وفاقی آئینی عدالت نے دھاندلی کے الزامات کے معاملے پر پی ٹی آئی کی درخواست سماعت کے لیے مقرر کردی

اسلام آباد (ڈیلی پاکستان آن لائن) وفاقی آئینی عدالت نے دھاندلی کے الزامات کے معاملے پر پاکستان تحریک انصاف (پی ٹی آئی) کی درخواست کی سماعت کے لیے مقرر کر دی ہے۔

یہ بھی پڑھیں: پاکستان کو جادو کی ”جپھی“ کی ضرورت ہے۔۔۔

لارجر بینچ کی تشکیل

چیف جسٹس وفاقی آئینی عدالت، امین الدین خان نے پانچ رکنی لارجر بینچ تشکیل دیا ہے۔ جسٹس عامر فاروق کی سربراہی میں یہ پانچ رکنی لارجر بینچ 25 نومبر کو سماعت کرے گا۔

یہ بھی پڑھیں: وفاق کہتا ہے ہم صوبوں کا شیئر کاٹ رہے ہیں کیونکہ ہمارے خرچے زیادہ ہیں ، بتایاجائےوفاق کی ناکامیاں عوام اور صوبےکیوں بھریں؟مزمل اسلم

انکوائری کی درخواست

تحریک انصاف کے مرکزی سیکرٹری جنرل سلمان اکرم راجہ نے انتخابی دھاندلی کی انکوائری کے لیے ٹربیونل تشکیل دینے کی درخواست کی تھی۔

سپریم کورٹ میں درخواست

تحریک انصاف نے ٹربیونل کے قیام کے لیے سپریم کورٹ میں درخواست دائر کی تھی، جو کہ 27 ویں ترمیم کے بعد آئینی عدالت میں منتقل کر دی گئی۔