ملک میں ’’جھوٹ کی فیکٹری‘‘ فعال ہے،پروپیگنڈے کو بے نقاب کرنے کا وقت آ گیا : امیر مقام

امیر مقام کا ہری پور کے عوام کا شکریہ

ہری پور (ڈیلی پاکستان آن لائن) وفاقی وزیر برائے امور کشمیر، گلگت بلتستان و سیفران اور صدر مسلم لیگ (ن) خیبر پختونخوا انجینئر امیر مقام نے ہری پور کے عوام کا شکریہ ادا کرتے ہوئے کہا کہ عوام نے مخالفین کو مسترد کر کے ثابت کر دیا کہ ہری پور مسلم لیگ (ن) کا قلعہ ہے۔ انہوں نے کہا کہ ملک میں ایک جھوٹ کی فیکٹری فعال ہے اور وقت آ گیا ہے کہ اس کے پھیلائے گئے پروپیگنڈے کو بے نقاب کیا جائے۔

یہ بھی پڑھیں: پی ٹی آئی کے سابق رہنما صداقت علی عباسی بھی گرفتار

انتخابی کامیابی پر خطاب

ہری پور میں انتخابی کامیابی کے موقع پر خطاب کرتے ہوئے انجینئر امیر مقام نے کہا کہ ہمارے فیلڈ مارشل حافظ سید عاصم منیر نے بھارت کو شکست دی اور آج وزیراعظم شہباز شریف کی قیادت میں پاکستان ترقی کی جانب بڑھ رہا ہے۔ عالمی سطح پر پاکستان کی پوزیشن بہتر ہو رہی ہے اور بیرونِ ملک پاکستانی ریکارڈ ترسیلات بھیج رہے ہیں۔ ہماری یکجہتی اور اعتماد ہی ہمارے مخالفین کو شکست دے گا۔ ہری پور کے مسائل ہمارے مسائل ہیں اور ہم انہیں حل کریں گے۔

یہ بھی پڑھیں: وفاقی وزیر چودھری سالک حسین نے بیرون ملک روزگار کے لیے جانے والے افراد کو ایئرپورٹس پر آف لوڈ کرنے کے واقعات کا نوٹس لے لیا

پشاور واقعے کی مذمت

’’اے پی پی‘‘ کے مطابق وفاقی وزیر نے کہا کہ آج کی پشاور کی افسوسناک واقعے کی شدید مذمت کرتا ہوں۔ انہوں نے شہداء کے درجات کی بلندی اور زخمیوں کی جلد صحت یابی کے لیے بھی دعا کی۔ انہوں نے کہا کہ ملک میں ایک "جھوٹ کی فیکٹری” فعال ہے اور وقت آ گیا ہے کہ اس کے پھیلائے گئے پروپیگنڈے کو بے نقاب کیا جائے۔

یہ بھی پڑھیں: پی ٹی آئی نے پشاور جلسے کی تاریخ تبدیل کردی

تاریخ رقم کرنے پر عوام کو مبارک باد

انجینئر امیر مقام نے اللہ تعالیٰ کا اور ہری پور کے عوام کا شکریہ ادا کرتے ہوئے کہا کہ عوام نے مخالفین کو مسترد کر کے ثابت کر دیا کہ ہری پور مسلم لیگ (ن) کا قلعہ ہے۔ انہوں نے قائد نواز شریف، وزیراعظم شہباز شریف اور چیف آرگنائزر وزیر اعلیٰ پنجاب مریم نواز کی جانب سے بھی عوام کو مبارک باد پیش کی اور کہا کہ آپ نے تاریخ رقم کر دی ہے۔

یہ بھی پڑھیں: سائٹ صنعتی ایریا کراچی کے صنعتکاروں کی پالیسی ریٹ 11 فیصد برقرار رکھنے پر کڑی تنقید

کامیاب انتخابی مہم پر تحسین

امیر مقام نے سردار مشتاق، پیر صابر شاہ اور پوری تنظیمی ٹیم کو کامیابی پر مبارک باد دی۔ انہوں نے کیپٹن (ر) صفدر کی کوششوں کو خراجِ تحسین پیش کرتے ہوئے کہا کہ انہوں نے دن رات محنت کر کے مثال قائم کی۔ وفاقی وزیر نے پارٹی کے صوبائی جنرل سیکرٹری مرتضیٰ جاوید عباسی اور مسلم لیگ (ن) کے تمام ونگز کا بھی خصوصی شکریہ ادا کیا۔

انتخابی مہم کی کامیابی

انہوں نے کہا کہ بابر نواز خان نے جس محنت اور لگن کے ساتھ انتخابی مہم چلائی وہ قابلِ ستائش ہے۔ اس موقع پر بابر نواز خان سمیت دیگر نے بھی خطاب کیا اور وفاقی وزیر سمیت تمام پارٹی قائدین اور کارکنوں کا شکریہ ادا کیا۔