پاکستانی قونصل جنرل جدہ خالد مجید کو کشمیر کمیٹی جدہ کا خراج تحسین

کشمیر کمیٹی جدہ کی جانب سے مبارکباد

مکہ مکرمہ (محمد عامل عثمانی) کشمیر کمیٹی جدہ کے صدر مسعود احمد پوری، سردار محمد اقبال یوسف (سیکریٹری) بشمول دیگر ممبران نے کہا ہے کہ کشمیر کمیٹی جدہ قونصل جنرل خالد مجید کی سربراہی میں تقریباً چھ سال سے زیادہ مقامی انتظامیہ کی تعیناتیاں اور احکامات کو مد نظر رکھتے ہوئے جو ممکن ہو سکا، وہ کشمیر کے لئے کام کرتی رہی۔ ہمیں خوشی ہے کہ کشمیر کمیٹی جدہ کو ایسے مخلص اور منتظم قونصل جنرل کا ساتھ رہا، ہم ان کو ان کی کامیاب خصوصی دہری میعاد پر مبارکباد پیش کرتے ہیں۔

نئی قونصلیٹ عمارت کی تکمیل

اپنے مشترکہ بیان میں ان کا کہنا تھا کہ کشمیر کمیٹی جدہ محترم خالد مجید کو اس بات کی بھی مبارکباد دیتی ہے کہ جو کام کئی دہائیوں سے رکا ہوا تھا، یعنی کہ نئی قونصلیٹ کی عمارت کا معاملہ، جو انہی کی سربراہی میں مکمل ہوسکا۔ خالد مجید اتنی بڑی منطقہ الٰغربیہ کی کمیونٹی کو ساتھ لے کر چلے، ساری تنظیموں کی رہنمائی کرتے رہے، تاہم اپنی صحت کے باوجود ہمت بندھائے رکھی اور اکثر جگہوں و تقریبات میں خود شرکت کرتے رہے۔ ہمیں ایسے قونصل جنرل پر فخر ہے اور ہم ان کے نہایت شکر گزار ہیں۔