اسلامک سولیڈیرٹی گیمز 2025 سے وطن واپسی پر اتھلیٹس ارشد ندیم اور یاسر سلطان کا ایئرپورٹ پر لیسکو کی جانب سے والہانہ استقبال

آؤٹ کے ایئرپورٹ پر شاندار استقبال

لاہور (ڈیلی پاکستان آن لائن) اسلامک سولیڈیرٹی گیمز 2025 سے وطن واپسی پر اتھلیٹس ارشد ندیم اور یاسر سلطان کا ایئرپورٹ پر لیسکو کی جانب سے والہانہ استقبال کیا گیا۔ پھولوں کے ہار پہنائے گئے اور پاکستان زندہ باد کے نعرے لگائے گئے۔

یہ بھی پڑھیں: اگر ترقی کا سفر نہ روکا جاتا تو ہم دنیا کی ساتویں بڑی معیشت ہوتے: احسن اقبال

لیسکو کی جانب سے اعزاز

تفصیلات کے مطابق لاہور الیکٹرک سپلائی کمپنی (لیسکو) کے اعلی حکام نے اسلامک گیمز کے فاتح ارشد ندیم کا وطن واپسی پر پرتپاک استقبال کیا۔ چیف ایگزیکٹو لیسکو انجینئر محمد رمضان بٹ نے اپنے پیغام میں ارشد ندیم کو اسلامک گیمز میں مسلسل دوسری مرتبہ گولڈ میڈل جیتنے پر ان کی کارکردگی کو سراہتے ہوئے کہا کہ لیسکو اپنے صارفین کو بہترین سہولیات فراہم کرنے کے ساتھ ساتھ کھیلوں کے شعبہ میں بھی اپنی ذمے داریاں احسن طریقے سے نبھا رہا ہے۔

یہ بھی پڑھیں: رشتے کے تنازع پر فائرنگ، تین خواتین اور ایک بچہ جاں بحق

یاسر سلطان کی تعریف

انجینئر رمضان بٹ نے سلور میڈل جیتنے والے یاسر سلطان کی کارکردگی کی تعریف کرتے ہوئے کہا کہ وہ لیسکو کے سپوت ارشد ندیم کے نقش قدم پر چلتے ہوئے ملک کے لیے مزید کامیابیاں حاصل کریں گے۔

یہ بھی پڑھیں: خواتین کو بااختیار بنانے کے لیے ایف ایم سی میں سیلف ڈفنس ورکشاپ کا انعقاد

فخر لیسکو کا پیغام

جی ایم ٹیکنیکل اور لیسکو سپورٹس ایسوسی ایشن کے صدر راۓ محمد اصغر اور لیسکو سپورٹس آفیسر سمیت دیگر کھلاڑیوں نے فخر لیسکو ارشد ندیم کو سعودی عرب سے وطن واپسی پر خوش آمدید کہا۔ اس موقع پر جی ایم ٹیکنیکل اور صدر لیسکو سپورٹس ایسوسی ایشن راۓ محمد اصغر کا کہنا تھا کہ ارشد ندیم نے اپنی محنت اور کارکردگی سے پاکستان اور لیسکو کا نام پوری دنیا میں روشن کیا ہے۔

مستقبل کی امیدیں

ہمیں فخر ہے کہ ارشد ندیم جیسے قومی ہیرو لیسکو کے ساتھ منسلک ہیں اور امید ہے کہ وہ اسی طرح ملک اور لیسکو کا نام روشن کرتے رہیں گے۔ مزید برآں لیسکو بھی ہمیشہ کی طرح اپنے کھلاڑیوں کی ویلفیئر کے لیے مثبت اقدامات کرتا رہے گا۔