سعودی مسلح افواج کے چیف آف جنرل سٹاف جنرل فیاض بن حمید الرویلی کا جی ایچ کیو کا دورہ، فیلڈ مارشل عاصم منیر سے ملاقات
جنرل فیاض بن حمید الرویلی کا جی ایچ کیو دورہ
راولپنڈی (ڈیلی پاکستان آن لائن) سعودی مسلح افواج کے چیف آف جنرل سٹاف جنرل فیاض بن حمید الرویلی نے جی ایچ کیو کا دورہ کیا اور فیلڈ مارشل سید عاصم منیر سے ملاقات کی۔
یہ بھی پڑھیں: صوبائی کابینہ کے اجلاس میں اہم فیصلے، طلباء کو جلد لیپ ٹاپ دینے کی ہدایت، کھیلتا پنجاب گیمز 2024 کی منظوری
ملاقات کی تفصیلات
پاک فوج کے شعبہ تعلقات عامہ آئی ایس پی آر کے مطابق ملاقات میں دو طرفہ باہمی دلچسپی کے امور پر گفتگو کی گئی۔ ملاقات میں پاک-سعودی عرب دیرینہ اور سٹریٹجک فوجی تعاون مزید مضبوط بنانے پر زور دیا گیا۔ دفاعی تعاون، سیکیورٹی اشتراک اور انسدادِ دہشت گردی کے اقدامات کے فروغ کی اہمیت کو اجاگر کیا گیا۔
یہ بھی پڑھیں: ندامت کے احساس پر مبنی رویہ والدین کی طرف سے اٹھایا جانے والا ایسا مؤثر قدم ہے جس کے باعث بچے ہمیشہ شرمندگی میں مبتلا رہتے ہیں
سعودی چیف کا خراج تحسین
جنرل فیاض بن حمید الرویلی نے سعودی افواج سے مختلف شعبوں میں پاکستان کے تعاون کو سراہا اور مضبوط شراکت داری مزید آگے بڑھانے کے عزم کا اظہار کیا۔
یادگارِ شہداء پر حاضری
آئی ایس پی آر کے مطابق جی ایچ کیو آمد پر سعودی چیف آف جنرل سٹاف نے یادگارِ شہداء پر پھول رکھے، جبکہ پاک فوج کے دستے نے سعودی چیف آف جنرل سٹاف کو گارڈ آف آنر پیش کیا۔
