سندھ میں گیس کا کنواں 8 سال بعد دوبارہ آپریشنل

گیس کے کنویں کی بحالی

اسلام آباد (ڈیلی پاکستان آن لائن) ضلع مٹیاری سندھ ہالا بلاک آدم ویسٹ میں گیس کا کنواں 8 سال بعد دوبارہ آپریشنل ہوگیا۔

یہ بھی پڑھیں: بینک آف پنجاب اور سرفن میٹا کا پاکستان میں جدید ڈیجیٹل بینکنگ سلوشنز کو بروئے کار لانے کے لیے معاہدہ

پاکستان پیٹرولیم لمیٹڈ کا بیان

سما ٹی وی کے مطابق پاکستان پیٹرولیم لمیٹڈ کا کہنا ہے کہ کنویں پر گیس بحالی کا آپریشن کامیابی سے مکمل کر لیا گیا ہے۔ کنواں 2014 میں کھودا گیا اور 2015 میں گیس دریافت ہوئی، جبکہ 2019 میں پانی نکل آنے سے کنویں سے گیس کی پیداوار رک گئی۔

موجودہ پیداوار

کنویں سے اب یومیہ 85 لاکھ کیوبک فٹ گیس حاصل ہو رہی ہے۔ یہ کنواں 65 فیصد پاکستان پیٹرولیم لمیٹڈ (پی پی ایل) اور 35 فیصد ماری انرجیز کا ہے۔