پنجاب بھر کے اسکولز، کالجز، سرکاری اور پرائیویٹ سیکٹر اسپتالوں کی خستہ حال بسوں کے خلاف کارروائی کا حکم

لاہور (ڈیلی پاکستان آن لائن) پنجاب انوائرمنٹ پروٹیکشن ایجنسی نے صوبے بھر کے اسکولز، کالجز اور سرکاری و نجی سیکٹر اسپتالوں کی ناقص بسوں کے خلاف کارروائی کا فیصلہ کر لیا ہے۔

ڈی جی کی ہدایات

ڈی جی عمران حامد شیخ کا کہنا ہے کہ دھواں پھیلانے والی ہیوی گاڑیوں پر شکنجہ سخت کرتے ہوئے وکس (VICS) سرٹیفیکیشن فوری لازمی قرار دی دی گئی ہے۔ طلبا و اسٹاف کو لانے لے جانے والی خستہ حال گاڑیوں کے خلاف بڑے پیمانے پر کارروائی کی جائے گی۔

کارروائی کی تفصیلات

حد سے زائد دھواں خارج کرنے والی گاڑیاں ضبط ہوں گی۔ سرکاری و نجی اداروں کو آخری وارننگ دی گئی ہے کہ بڑی گاڑیاں اور بسیں معیار پر پوری نہ اتریں تو قانونی کارروائی یقینی ہوگی۔ محکموں کو بھی ہدایت دی گئی ہے کہ تمام ہیوی ٹرانسپورٹ کی ہنگامی انسپیکشن اور مرمت فوری مکمل کریں۔

نئی پابندیاں

غیر معیاری گاڑی پکڑی گئی تو اب صرف جرمانہ نہیں، بلکہ گاڑی بھی قبضے میں لی جائے گی۔