سعودی عرب سے ایک ملین بیرل خام تیل شام پہنچ گیا

تیل کی ترسیل

دمشق (ڈیلی پاکستان آن لائن) شام نے سعودی عرب سے تقریباً دس لاکھ (1 ملین) بیرل خام تیل وصول کر لیا ہے۔ سرکاری خبر رساں ادارے سانا (SANA) کے مطابق یہ تیل پیر کے روز سعودی آئل ٹینکر کے ذریعے بنیاس پہنچا، جو سعودی عرب کی جانب سے توانائی شعبے کی مدد کے لیے دی گئی گرانٹ کی دوسری اور آخری کھیپ ہے۔

یہ بھی پڑھیں: کشمیر دنیا کا بڑا عسکری زون بن چکا،مودی خطے کو جنگ میں جھونک رہا ہے:سڈنی انسٹیٹیوٹ فار اکنامکس اینڈ پیس کی ہوشربا رپورٹ جاری

سعودی فنڈ کی تفصیلات

العربیہ کے مطابق سعودی فنڈ فار ڈیولپمنٹ (SFD) نے ستمبر میں اعلان کیا تھا کہ وہ شام کو 16 لاکھ 50 ہزار (1.65 ملین) بیرل خام تیل بطور گرانٹ فراہم کرے گا۔

علاقائی تعلقات کی بحالی

سعودی عرب اور خطے کی دیگر طاقتیں سابق صدر بشار الاسد کی حکومت کے خاتمے کے بعد شام کے ساتھ تعلقات کی تجدید کر رہی ہیں۔ اسی سلسلے میں مالی امداد اور تعمیرِ نو کے منصوبوں میں اضافہ کیا جا رہا ہے، جو مشرقِ وسطیٰ میں وسیع تر سفارتی بحالی کا حصہ ہے۔