ایتھوپیا کے آتش فشانی راکھ کے بادل پاکستانی فضائی حدود میں داخل

ایٹھوپیا کے آتش فشاں کا اثر

کراچی (ڈیلی پاکستان آن لائن) محکمہ موسمیات نے پہلی بار ایک غیر معمولی وارننگ جاری کی ہے، کیونکہ ایتھوپیا کے Hayli Gubbi آتش فشاں سے اٹھنے والی راکھ کے بادل پاکستانی فضائی حدود میں داخل ہو گئے ہیں، جس سے فضائی سفر خصوصاً بین الاقوامی پروازوں کو خطرات لاحق ہو سکتے ہیں۔

یہ بھی پڑھیں: مشہور بھارتی گلوکار بی پراک کو دھمکیاں، بشنوئی گینگ نے 10 کروڑ بھتہ مانگ لیا

آتش فشانی راکھ کی بلندی

محکمہ موسمیات کے اہلکار انجم نذیر زیغم نے نجی ٹی وی جیو نیوز سے گفتگو کرتے ہوئے بتایا کہ آتش فشانی راکھ گواڈر سے 60 ناٹیکل میل جنوب مغرب میں 45 ہزار فٹ کی بلندی پر دیکھی گئی ہے۔ “میت آفس نے دو ایڈوائزریز جاری کی ہیں۔ ملکی پروازیں عموماً 34 سے 36 ہزار فٹ، جبکہ بین الاقوامی پروازیں 40 سے 45 ہزار فٹ کی بلندی پر سفر کرتی ہیں، اور راکھ انجنوں کے لیے بھی نقصان دہ ہوتی ہے۔”

یہ بھی پڑھیں: سرکاری سکولوں میں موبائل فون کے استعمال پر پابندی عائد

تاریخی وارننگ

انہوں نے مزید کہا کہ ملکی تاریخ میں پہلی بار آتش فشانی راکھ کے حوالے سے الرٹ جاری کیا گیا ہے اور محکمہ گزشتہ رات سے اس صورتحال کی مسلسل نگرانی کر رہا ہے۔

یہ بھی پڑھیں: چمکادڑ خاتون کی جیکٹ میں چھپ کر چڑیا گھر سے فرار

آتش فشاں کی سرگرمی

ایتھوپیا کے علاقے افار میں، اریٹیریا کی سرحد کے قریب واقع Hayli Gubbi آتش فشاں اتوار کے روز کئی گھنٹے تک پھٹتا رہا، جس سے 14 کلومیٹر تک دھواں اور راکھ آسمان میں پھیل گئی۔ اس آتش فشاں نے تقریباً 12 ہزار سال میں پہلی مرتبہ سرگرمی دکھائی ہے۔

یہ بھی پڑھیں: میری سیٹ پر خیانت کرنے والا اے ڈی سی سیالکوٹ، ریحانہ ڈار، اللہ کی پکڑ میں آگیا

راکھ کے بادل کی وسعت

ٹولوس وولکینک ایش ایڈوائزری سنٹر کے مطابق، راکھ کے بادل یمن، عمان، بھارت اور شمالی پاکستان تک پھیل چکے ہیں۔

سوشل میڈیا پر اطلاعات

سوشل میڈیا پر گردش کرنے والی ویڈیوز میں آتش فشاں سے اٹھتا ہوا سفید دھواں دیکھا گیا ہے، تاہم ان کی آزادانہ تصدیق نہیں ہو سکی۔