سیمنٹ کی قیمت میں اضافہ، فی بوری کتنے کی ہو گئی؟

سیمنٹ کی ریٹیل قیمت میں اضافہ

کراچی (ڈیلی پاکستان آن لائن) ملک میں سیمنٹ کی ریٹیل قیمت میں گزشتہ ہفتے کے دوران معمولی اضافہ ریکارڈ کیا گیا۔

یہ بھی پڑھیں: اختلاف رائے کو نظرانداز کرنے کے بجائے خوش آمدید کہیں، آپ ایسے انسان مشہور ہو جائیں گے جو اپنے معاملات مؤثر طریقے سے طے کرتا ہے

شمالی شہروں کی قیمتیں

نجی ٹی وی چینل ہم نیوز کے مطابق قومی ادارہ برائے شماریات کے مطابق 20 نومبر کو ختم ہونے والے ہفتے میں شمالی شہروں میں سیمنٹ کی فی بوری کی اوسط ریٹیل قیمت 1365 روپے ریکارڈ کی گئی جو پیوستہ ہفتے کے مقابلے میں 0.22 فیصد زیادہ ہے۔ پیوستہ ہفتے فی بوری کی اوسط ریٹیل قیمت 1362 روپے کی تھی۔

یہ بھی پڑھیں: غزہ جنگ بندی معاہدہ کب تک ہونے کا امکان ہے؟ اسرائیلی میڈیا کا دعویٰ سامنے آ گیا

جنوبی شہروں کی قیمتیں

اسی طرح جنوبی شہروں میں سیمنٹ کی فی بوری کی اوسط ریٹیل قیمت 1440 روپے رہی جو پیوستہ ہفتے کے مقابلے میں 0.09 فیصد کم ہے۔ پیوستہ ہفتے فی بوری کی اوسط قیمت 1441 روپے تھی۔

یہ بھی پڑھیں: بھارت نے مقبوضہ کشمیر میں ظلم بند نہ کیا تو وہاں گھس کر ماریں گے: وزیراعظم آزادکشمیر

شہروں کی تفصیل

گزشتہ ہفتے اسلام آباد میں سیمنٹ کی فی بوری کی اوسط ریٹیل قیمت 1367، راولپنڈی 1355، گوجرانوالہ 1400، سیالکوٹ 1350، لاہور 1410، فیصل آباد 1340، سرگودھا 1350، ملتان 1389، بہاولپور 1400، پشاور 1353 اور بنوں میں 1300 روپے رہی۔