کراچی ؛عدالت نے ای چالان کے خلاف حکم امتناع کی استدعا مسترد کردی

سندھ ہائیکورٹ کا فیصلہ

کراچی(ڈیلی پاکستان آن لائن) سندھ ہائیکورٹ نے ای چالانز کے خلاف حکم امتناع کی استدعا مسترد کردی۔

یہ بھی پڑھیں: توشہ خانہ ون کیس؛بانی پی ٹی آئی کی سزا کے خلاف اپیل پر سماعت 14نومبر تک ملتوی

سماعت کی تفصیلات

نجی ٹی وی چینل دنیا نیوز کے مطابق سندھ ہائیکورٹ میں کراچی ای چالانز کے خلاف دائر 4 درخواستوں پر سماعت ہوئی۔ وکیل درخواست گزار نے کہا کہ کراچی کے ساتھ امتیازی سلوک کیا جا رہا ہے۔

یہ بھی پڑھیں: ٹرمپ کا امن انعام حاصل کرنے کا دباؤ کسی صورت فیصلہ سازی پر اثرانداز نہیں ہوگا، نوبل کمیٹی

عدالت کا جواب

عدالت نے وکیل سے مکالمہ کرتے ہوئے کہا کہ کراچی کا موازنہ کسی اور شہر سے نہ کریں۔ وکیل درخواست گزار نے استدعا کی کہ بس والوں کو مسافروں کو اٹھانے تک نہیں دیا جاتا، جبکہ کراچی میں بس سٹینڈز کی کمی ہے۔ عدالت نے کہا کہ آپ لوگ سٹینڈ پر بسیں روکا کریں۔

یہ بھی پڑھیں: 750 روپے مالیت کے انعامی بانڈز کی قرعہ اندازی 15 اپریل کو ہو گی

جسٹس عدنان اقبال چودھری کا بیان

جسٹس عدنان اقبال چودھری نے فرمایا کہ ہم بھی اس شہر میں رہتے ہیں اور سب کچھ جانتے ہیں۔ عدالت نے کہا کہ فریقین کے جواب آنے کے بعد کیس کو ایک ساتھ سنا جائے گا۔

کیس کی آئندہ تاریخ

عدالت نے ای چالان کے خلاف حکم امتناع کی استدعا مسترد کرتے ہوئے ڈی آئی جی ٹریفک سمیت دیگر فریقین سے جواب طلب کر لیا اور درخواست کی سماعت 11 دسمبر تک ملتوی کردی۔