الیکشن کمیشن نے وزیراعلیٰ سہیل آفریدی کی درخواست پر فیصلہ محفوظ کرلیا

الیکشن کمیشن کا فیصلہ محفوظ

اسلام آباد (ڈیلی پاکستان آن لائن) الیکشن کمیشن نے وزیراعلیٰ سہیل آفریدی کی درخواست پر فیصلہ محفوظ کرلیا اور سماعت 4 دسمبر تک ملتوی کردی۔

یہ بھی پڑھیں: بلوچستان حکومت کا بڑا فیصلہ، لیویز اہلکار اور اثاثے پولیس میں ضم

سماعت کی تفصیلات

نجی ٹی وی چینل دنیا نیوز کے مطابق وزیراعلیٰ سہیل آفریدی کے خلاف انتخابی ضابطہ اخلاق کی خلاف ورزی کیس کی سماعت ہوئی۔ وزیراعلیٰ خیبرپختونخوا سہیل آفریدی الیکشن کمیشن میں پیش ہوئے، چیف الیکشن کمشنر سکندر سلطان راجہ کی سربراہی میں 5 رکنی کمیشن نے سماعت کی۔

یہ بھی پڑھیں: بانی پی ٹی آئی عمران خان سے ملاقات ضروری ہے، حالات میں بہتری آسکتی ہے، بیرسٹر گوہر

درخواستوں کا جائزہ

الیکشن کمیشن حکام نے بتایا کہ سہیل آفریدی کے خلاف الگ الگ درخواستیں موصول ہوئی ہیں۔ وکیل سہیل آفریدی نے وضاحت دی کہ ایک کیس ڈی آر او آفس میں جبکہ دوسرا یہاں زیر سماعت ہے۔ وکیل علی بخاری نے کہا کہ ہمارے خلاف چلی جانے والی چاروں درخواستیں یکجا کر دی جائیں۔

یہ بھی پڑھیں: میں نے بانی پی ٹی آئی کی صحت پر کوئی بیان نہیں دیا، سلمان صفدر

انتخابات کے انتظامات

ڈی جی لا نے وضاحت کی کہ انتخابات کے انعقاد کے لیے کمیشن کسی بھی فیصلہ سازی کا حق رکھتا ہے۔ وزیراعلیٰ کے خلاف عوامی اور ڈی آر او کی جانب سے شکایات کی گئی ہیں۔ وکیل علی بخاری نے اعتراض اٹھایا کہ ہمارے وکلا کو سماعت میں آنے کی اجازت نہیں دی گئی۔

یہ بھی پڑھیں: ایشیا کپ: ہانگ کانگ نے بنگلہ دیش کو جیت کے لیے 144 رنز کا ہدف دے دیا

چیف الیکشن کمشنر کا بیان

چیف الیکشن کمشنر نے بیان دیا کہ شہر میں نئے افسران کی تعیناتی کی وجہ سے روکا گیا ہوگا۔ وکیل لیگی امیدوار نے الزام لگایا کہ وزیراعلیٰ خیبرپختونخوا کرپٹ پریکٹسز کے مرتکب ہوئے ہیں۔ سہیل آفریدی کے وکیل نے درخواستوں کی سماعت پر اعتراض اٹھاتے ہوئے الیکشن کمیشن کو آگاہ کیا۔