مظفر گڑھ: طلبہ کو اسکول لے جانے والے رکشہ ریس لگاتے ہوئے آپس میں ٹکرا گئے، طالبہ جاں بحق، 13 زخمی

مظفر گڑھ میں حادثہ

مظفر گڑھ کی تحصیل جتوئی میں طلبا و طالبات کو سکول لے جانے والے رکشے سے ریس لگاتے ہوئے تیز رفتاری کے باعث آپس میں ٹکرا گئے، حادثے میں ایک 9 سالہ طالبہ جاں بحق جبکہ 13 طلبہ زخمی ہوگئے۔

یہ بھی پڑھیں: مغربی ہوائیں ملک میں داخل ، کن کن علاقوں میں بارش کا امکان ہے؟ جانیے.

جاں بحق اور زخمی طلباء

نجی ٹی وی چینل جیو نیوز کے مطابق پولیس کے مطابق حادثے میں 9 سالہ طالبہ انشراح راشد جاں بحق ہو گئی جبکہ اس موقع پر 13 طلباء و طالبات زخمی بھی ہوئے۔

پولیس کی کاروائی

پولیس کا کہنا ہے کہ حادثہ رکشوں کے ریس لگانے کی وجہ سے پیش آیا، واقعے کے بعد دونوں رکشہ ڈرائیورز کو رکشوں سمیت حراست میں لے لیا گیا ہے جبکہ زخمی ہونے والی طلبا و طالبات کو ٹی ایچ کیو ہسپتال جتوئی منتقل کر دیا گیا ہے.