یوٹیوبر سعد الرحمان عرف ڈکی بھائی ضمانت کے باوجود رہا نہ ہو سکے، وجہ کیا بنی؟
ڈکی بھائی کی رہائی میں تاخیر
لاہور (ڈیلی پاکستان آن لائن) معروف یوٹیوبر سعدالرحمان عرف ڈکی بھائی کو ضمانت ملنے کے باوجود آج رہائی نہ مل سکی۔
یہ بھی پڑھیں: بھارت ابھی تک پاکستان کے خلاف سازشوں میں مصروف ہے جبکہ ہم نے محنت سے سفارتی محاذ پر کامیابیاں حاصل کیں،عطاتارڑ
وکیل کا بیان
ڈکی بھائی کے وکیل کا کہنا تھا کہ روبکار جاری نہ ہونے کے باعث رہائی نہیں ہوئی، امید ہے سعد الرحمان کل رہا ہو جائیں گے۔
یہ بھی پڑھیں: حکومت کی جانب سے یوٹیلیٹی سٹورز کی بندش کا مرحلہ شروع
ملزم کے خلاف الزامات
سوشل میڈیا پر نازیبا مواد اپ لوڈ کرنے اور غیر قانونی جوئے کی تشہیر کے الزام میں گرفتار یوٹیوبر سعد الرحمان المعروف ڈکی بھائی کی عدالت نے دس لاکھ روپے کے مچلکوں کے عوض ضمانت منظور کر دی ہے۔
عدالتی سماعت کی تفصیلات
ڈکی بھائی کے کیس کی ضمانت کی درخواست پر سماعت پیر کے روز ہوئی، جس کی صدارت لاہور ہائیکورٹ کے جسٹس شہرام سرور نے کی۔ سماعت کے دوران دلائل سننے کے بعد عدالت نے ڈکی بھائی کی ضمانت منظور کی اور انہیں مچلکوں کی شرط پر رہا کرنے کا حکم دیا۔
