دہشتگردوں کے خلاف رواں سال ہونے والے آپریشنز کی تفصیلات جاری، سب سے زیادہ انٹیلیجنس بیسڈ آپریشن کس صوبے میں کیے گئے؟ جانیے

راولپنڈی (ڈیلی پاکستان آن لائن) ڈی جی آئی ایس پی آر لیفٹیننٹ جنرل احمد شریف چودھری نے دہشت گردوں کیخلاف رواں برس ہونے والے آپریشنز کی تفصیلات جاری کر دیں۔

یہ بھی پڑھیں: ٹرمپ اور نیتن یاہو کی غزہ جنگ بندی پر 24 گھنٹوں میں دوسری خفیہ ملاقات

انٹیلی جنس بیسڈ آپریشنز

ڈی جی آئی ایس پی آر کے مطابق رواں برس 67023 انٹیلی جنس بیسڈ آپریشن کئے گئے، سب سے زیادہ انٹی لیجنس بیسڈ آپریشن بلوچستان میں کئے گئے، جہاں جنوری 2025 سے اب تک کل 53 ہزار انٹیلی جنس بیسڈ آپریشن کئے گئے۔

پاک فوج کے شعبہ تعلقات عامہ کے مطابق جنوری 2025 سے اب تک خیبر پختونخوا میں 12857 انٹیلی جنس بیسڈ آپریشن کئے گئے۔

یہ بھی پڑھیں: وزیر اعلیٰ رحیم یار خان میں فلڈ کیمپ کا دورہ، “فکر نہ کرو، سب ٹھیک تھی وے سی، نقصان پورا کر ساں” مریم نواز کی سرائیکی میں گفتگو

دہشت گردی کے واقعات

انہوں نے بتایا کہ رواں برس ملک بھر میں دہشت گردی 4 ہزار 729 واقعات پیش آئے، جن میں خیبر پختونخوا میں سب سے زیادہ 3357 دہشت گردی کے واقعات ہوئے۔ جنوری 2025 سے اب تک 1873 دہشت گرد مارے گئے۔

یہ بھی پڑھیں: اصول بنا لئے ہیں کسی کی پگڑی نہیں اچھالیں گے: چیئرمین نیب

بارڈر مینجمنٹ پر بیان

آئی ایس پی آر کے مطابق بارڈر مینجمنٹ پر بیانیہ بنایا جاتا ہے کہ وہاں تو فوج اور ایف سی ہے، خیبر پختونخوا میں افغانستان کے ساتھ بارڈر کی لمبائی 1229 کلومیٹر ہے اور اس بارڈر پر 20 بارڈر کراسنگ پوائنٹ ہیں۔

انہوں نے کہا کہ اتنی فورس نہیں ہے کہ اس بارڈر پر مکمل طور پر نظر رکھی جاسکے، فیصلہ خیبر پختونخوا کی انتظامیہ نے کرنا ہے کہ سمگلنگ روکنی ہے۔

یہ بھی پڑھیں: 2025 میں حوالہ ہنڈی اور کرنسی کی غیر قانونی ایکسچینج میں ملوث عناصر کے خلاف 523 چھاپہ مار کارروائیوں میں 667 ملزمان گرفتار

بھتے کی معلومات

پاک فوج کے شعبہ تعلقات عامہ کے مطابق خیبرپختونخوا میں بھتے کا حصہ افغان طالبان کو جاتا ہے۔ خیبرپختونخوا میں ساڑھے 4 لاکھ نان کسٹم پیڈ گاڑیاں چل رہی ہیں، جبکہ 2024 میں 3 لاکھ 66 ہزار افغان واپس بھجوائے گئے اور 2025 میں 9 لاکھ 71ہزار 604 افغانی واپس بھجوائے گئے۔

ہمارا مسئلہ افغان طالبان رجیم کے ساتھ ہے، افغانستان اور اس کے عوام کے ساتھ نہیں۔

یہ بھی پڑھیں: بنگلہ دیش ٹیم کے دورہ پاکستان کے لیے پاک فوج اور سول آرمڈ فورسز کی تعیناتی کی منظوری

ڈاکٹری رپورٹ اور امریکی اسلحہ

انہوں نے کہا کہ رپورٹ کے مطابق امریکا افغانستان میں 7 اعشاریہ 2 ارب ڈالر کا اسلحہ چھوڑ کر گیا، کیڈٹ کالج وانا میں دہشتگردوں کے پاس امریکی اسلحہ تھا، جو دہشتگرد پوری دنیا کے لئے خطرہ بن چکے ہیں۔

آپریشن سندور

پاک فوج کے شعبہ تعلقات عامہ کے مطابق آپریشن سندور نے انڈیا کے منہ پر کالک ملی ہے۔