پاکستان سول ایوی ایشن اتھارٹی نے سرین ایئر لائن کا لائسنس بحال کردیا
سرین ایئر لائن کا لائسنس بحال
اسلام آباد(ڈیلی پاکستان آن لائن) پاکستان سول ایوی ایشن اتھارٹی نے سرین ایئر لائن کا لائسنس بحال کردیا۔
یہ بھی پڑھیں: آئی ایم ایف نے پاکستان کو میمورنڈم آف اکنامک اینڈ فنانشل پالیسیز ڈرافٹ بھیج دیا
لائسنس کی معطلی کی وجوہات
نجی ٹی وی چینل ایکسپریس نیوز کے مطابق سول ایویشن اتھارٹی نے جہازوں کی کمی کے باعث سرین ایئر لائن کا لائسنس معطل کیا تھا۔
یہ بھی پڑھیں: خیبرپختونخوا میں یونیورسٹی چانسلر کی تعیناتی کے اختیارات وزیراعلیٰ کے سپرد کر دیئے گئے
آئندہ کی توقعات
لائسنس بحال ہونے کے بعد امید کی جا رہی ہے کہ آئندہ دو ماہ کے اندر سرین ایئر لائن اپنا ڈومیسٹک اور تین ماہ کے اندر انٹرنیشنل فضائی آپریشن بحال کر لے گی۔
یہ بھی پڑھیں: پیپلزپارٹی رہنما شازیہ مری نے وزیراعلیٰ پنجاب مریم نواز کے بیانات کو تنگ نظر اور تفرقہ پیدا کرنے والا قرار دے دیا
سی ای او کا اظہار تشکر
سرین ایئر لائن کے چیف آپریٹنگ آفیسر عبد الباسط نے لائسنس کی بحالی پر حکومت کا شکریہ ادا کرتے ہوئے کہا کہ اب ہم اپنے جہاز ٹھیک کرا سکیں گے اور جو جہاز ہمارے بیرون ملک کھڑے ہیں ان کو واپس لا کر فضائی بیڑے میں شامل کریں گے۔
ملازمین کی تنخواہوں کا معاملہ
ایئرلائن انتظامیہ کا کہنا ہے کہ ملازمین کی تنخواہوں سمیت دیگر معاملات بھی جلد حل کرلیں گے، ملازمین کو آئندہ ماہ سے تنخواہوں کی ادائیگی بھی شروع ہو جائے گی۔
