اہل پنجاب خبردار ۔۔۔ اب ٹریفک قوانین کی خلاف ورزی پر بھاری جرمانے ہونگے، آرڈیننس جاری کر دیا گیا

اہل پنجاب کیلئے خبردار

لاہور (ڈیلی پاکستان آن لائن) اہل پنجاب ہوجائیں خبردار، اب ٹریفک قوانین کی خلاف ورزی پر بھاری جرمانے ہونگے۔

یہ بھی پڑھیں: سعودی عرب: ایک ہفتے میں 25 ہزار سے زائد غیر ملکی گرفتار

نئے ٹریفک قوانین کا آرڈیننس

تفصیلات کے مطابق پنجاب کے محکمہ قانون نے ٹریفک قوانین کی خلاف ورزی کے نئے قانون کا آرڈیننس جاری کردیا ہے۔ ’’جیو نیوز‘‘ کے مطابق

یہ بھی پڑھیں: اے سی سی اجلاس ڈھاکا میں منعقد کرنے پر بھارت کا اعتراض، وجہ سامنے آگئی

جرمانے کی تفصیلات

آرڈیننس کے مطابق اب ٹریفک قوانین کی خلاف ورزی پر جرمانہ 2 ہزار سے 20 ہزار روپے تک ہوگا۔ تیز رفتاری پر موٹرسائیکل کو 2 ہزار، کار کو 5 ہزار، ٹریفک سگنل کی خلاف ورزی پر موٹرسائیکل کو 2 ہزار اور تھری ویلر کو 3 ہزار روپے جرمانہ ہوگا۔

یہ بھی پڑھیں: ڈاکٹر فرحان ورک نے فتح میزائل کی آئل پینٹنگ پر بھارتی پروپیگنڈے کو بے نقاب کردیا

مزید جرمانے اور سزائیں

اسی طرح سگنل کی خلاف ورزی پر کار کو 5 ہزار، 2 ہزار سی سی گاڑیوں کو 10 ہزار روپے جرمانہ ہوگا، جب کہ 2 ہزار سی سی سے زائد کی گاڑیوں کو 15 ہزار روپے جرمانہ ہوگا۔ اوورلوڈنگ پر تھری ویلر کو 3 ہزار اور 2 ہزار سی سی سے کم گاڑیوں کو 5 ہزار روپے جرمانہ ہوگا。

یہ بھی پڑھیں: ملائکہ اروڑا نے والد انیل مہتا کی موت کے بعد پہلا بیان جاری کر دیا

اوور لوڈنگ پر سخت سزائیں

آرڈیننس کے مطابق اوور لوڈنگ پر 2 ہزار سی سی سے بڑی گاڑیوں کو 10 ہزار اور ٹریلر کو 15 ہزار روپے جرمانہ کیا جائے گا۔ دھواں چھوڑتی موٹرسائیکل کو 2 ہزار، تھری ویلر کو 3 ہزار اور پبلک ٹرانسپورٹ کو 15 ہزار روپے جرمانہ ہوگا۔

یہ بھی پڑھیں: چیئرمین پی سی بی محسن نقوی کا مسلسل 2 سنچریاں سکور کرنے پر سدرہ امین کے لیے 20 لاکھ روپے انعام کا اعلان

بغیر فٹنس سرٹیفکیٹ کے جرمانہ

آرڈیننس میں بتایا گیا ہے کہ بغیر فٹنس سرٹیفکیٹ گاڑی چلانے پر 1 لاکھ روپے تک جرمانہ اور جیل ہوگی۔ اوور سپیڈنگ پر جرمانے میں 300 فیصد تک اضافہ کیا گیا ہے۔ ون وے کی خلاف ورزی پر 6 ماہ قید یا 50 ہزار روپے تک جرمانہ ہوگا۔

یہ بھی پڑھیں: آپریشن سندور: میڈیا میں مودی حکومت کے تماشے کے سوا کچھ نہیں تھا۔۔۔ بھارتی خاتون رکن پارلیمنٹ کی ’’دبنگ‘‘ تقریر

کم عمر ڈرائیونگ اور دیگر سزائیں

اس کے علاوہ کم عمر ڈرائیونگ کی سزا دگنی ہو گی اور والدین بھی ذمہ دار ہوں گے۔ پیلی نمبر پلیٹ یا جعلی نمبر پلیٹ پرسخت سزائیں ہوں گی۔ دوبارہ خلاف ورزی پر اضافی جرمانہ کیا جائے گا۔ نان سٹینڈرڈ شیشوں پر 6 ماہ تک قید کی سزا ہوگی۔ گاڑی کی رجسٹریشن، دستاویزات ساتھ نہ رکھنے پر بھی سخت کارروائی ہوگی۔

چالان ڈاکیومنٹ کی نئی طریقہ کار

چالان دستاویز کی ٹکٹنگ اب مکمل طور پر الیکٹرانک ہوگی اور گاڑی میں ڈرائیور کے ساتھ فرنٹ سیٹ پر بیٹھنے والے کے لیے بھی بیلٹ لگانا لازمی قرار دیا گیا ہے۔