انٹرنیشنل کیک ڈے پر ٹی ڈی سی پی انسٹیٹیوٹ آف ٹورازم اینڈ ہوسپٹیلٹی مینجمنٹ میں تقریب

ایونٹ کا تعارف

لاہور (ڈیلی پاکستان آن لائن) ہوسپٹیلٹی مینجمنٹ کے زیر اہتمام انٹرنیشنل کیک ڈے کی مناسبت سے کیک کمپیٹیشن کا انعقاد کیا گیا، جس میں سٹوڈنٹس اور پروفیشنلز نے حصہ لیا۔ مختلف کالجز اور یونیورسٹیز کے سٹوڈنٹس نے اپنی تخلیقی صلاحیتوں کا مظاہرہ کیا۔ انواع و اقسام کے کیکس سب کی توجہ کا مرکز بنے رہے۔

یہ بھی پڑھیں: بارشوں کے 2 اسپیلز اور آرہے ہیں….

افتتاحی تقریب

مینجنگ ڈائریکٹر عاصم رضا نے ایونٹ کا افتتاح کیا اور شرکاء کی حوصلہ افزائی کی۔ ان کا کہنا تھا کہ ایتھم کا بنیادی مقصد ہوسپٹلی انڈسٹری میں ٹرینڈ پروفیشنلرز کی تربیت کرنا ہے۔ تقریب میں جرنل مینجر ایتھم ڈاکٹر نور محمد اعوان، جرنل مینجر آپریشنز فرحت حسین فاروق، پرنسل ایتھم فواد اعوان اور دیگر افسران کے ساتھ سٹوڈنٹس کی بڑی تعداد نے شرکت کی۔

یہ بھی پڑھیں: غزہ میں قتل عام اور اب ایران پر چڑھائی کرنا زیادتی ہے: مولانا عبدالخبیر آزاد

کمپٹیشن کی تفصیلات

کمپٹیشن کو دو حصوں میں تقسیم کیا گیا، جس میں 23 شرکاء نے حصہ لیا۔ ججز نے کیک کی پریزنٹیشن، ٹیسٹ اور کوالٹی کو مدنظر رکھتے ہوئے نتیجہ اناؤنس کیا۔ سٹوڈنٹس اور پروفیشنل کیٹیگری میں فرسٹ، سیکنڈ، اور تھرڈ آنے والے شرکاء کو کیش پرائز دیئے گئے۔ تمام شرکاء میں سرٹیفکیٹس تقسیم کئے گئے۔

شرکاء کی آراء

ہوم بیکرز نے اس ایونٹ کو اپنی صلاحیتوں کے اظہار اور بزنس کی گروتھ کا ذریعہ قرار دیا۔ جبکہ سٹوڈنٹس نے ایسے کمپٹیشنز کو پروفیشنل گروتھ اور خود اعتمادی کے لئے اہم سنگ میل قرار دیا۔