رواں ماہ اور دسمبر میں بھی بارش کی کوئی امید نہیں، محکمہ موسمیات کی پیشگوئی

موسمی صورتحال

لاہور (ڈیلی پاکستان آن لائن) ملک بھرمیں خشک سردی جاری ہے۔ میدانی علاقوں میں اسموگ اور دھند بڑھنے لگی ہے۔ محکمہ موسمیات نے پیشگوئی کی ہے کہ رواں ماہ اور دسمبر میں بھی بارش کی کوئی امید نہیں ہے، اور بالائی علاقوں میں برفباری کے بھی کوئی آثار نہیں ہیں۔

یہ بھی پڑھیں: ایران کا آبنائے ہرمز بند اور امریکی فوجی اہداف کو نشانہ بنانے کا اعلان

محکمہ موسمیات کی پیشگوئی

سما ٹی وی کے مطابق ڈپٹی ڈائریکٹر میٹ عرفان ورک کا کہنا ہے کہ موسم خشک ہی رہے گا، اور سرد رہے گا۔ درجہ حرارت کم رہیں گے اور میدانی علاقوں میں اسموگ اور فوگ جاری رہے گی۔ تربیلا اور منگلا میں پانی کا جو ذخیرہ پہلے سے موجود ہے، اسی کو ریگولیٹ کرنا پڑے گا۔ گلشئیر یا برف پگھلنے سے پانی نہیں آئے گا۔ موسم کی صورتحال پر مسلسل نظر رکھی جارہی ہے، تاکہ خشک سالی کی صورت میں بروقت اقدامات کئے جا سکیں۔

ماہرین کی رائے

ماہرین کے مطابق بارش نہ برسنے کے باعث آبی ذخائر کا احتیاط سے استعمال ضروری ہے، تاکہ پانی کی قلت کا کم سے کم سامنا کرنا پڑے۔