بھارت کو ٹیسٹ سیریز میں شکست دے کر جنوبی افریقہ کے کپتان نے ایک اور تاریخ رقم کردی

ٹیمبا باووما کی شاندار قیادت

لاہور(ڈیلی پاکستان آن لائن)جنوبی افریقہ کے کپتان ٹیمبا باووما نے ٹیسٹ کرکٹ میں ایک نئی تاریخ رقم کر دی۔

یہ بھی پڑھیں: حج پر جانے کے خواہشمند افراد کب تک درخواست جمع کروا سکتے ہیں؟ اعلان ہو گیا

بھارت کے خلاف کلین سوئپ

بدھ کو جنوبی افریقا نے گوہاٹی ٹیسٹ میں بھارت کو 408 رنز کے بھاری مارجن سے شکست دے کر سیریز میں 0-2 سے کلین سوئپ مکمل کر لیا۔ بھارت کو دوسری اننگز میں 549 رنز کا ہدف ملا، لیکن پوری بھارتی ٹیم صرف 140 رنز پر ڈھیر ہوگئی۔

یہ بھی پڑھیں: انڈس واٹر ٹریٹی کو معطل کرنے کا غیر قانونی اور یکطرفہ اقدام خطے میں استحکام کے لیے حقیقی خطرہ ہے،اسحاق ڈار

تاریخی فتح

یوں جنوبی افریقا نے 25 سال بعد بھارتی سرزمین پر ٹیسٹ سیریز جیتنے کا اعزاز حاصل کرلیا۔ اس جیت کے ساتھ ہی جنوبی افریقا کے کپتان ٹیمبا باووما ٹیسٹ کرکٹ میں بغیر کوئی میچ ہارے سب سے زیادہ فتوحات حاصل کرنے والے کپتان بن گئے۔ باووما نے بطور کپتان 12 میچوں میں 11 فتوحات حاصل کیں جبکہ ایک میچ ڈرا ہوا۔