اخوت کے سربراہ ڈاکٹر امجد ثاقب کا امریکہ میں مقیم پاکستانی بزنس مین میاں مشتاق جاوید کے اعزاز میں عشائیہ

اخوت کے سربراہ کا عشائیہ

لاہور (ڈیلی پاکستان آن لائن) معروف فلاحی ادارے ’’اخوت‘‘ کے سربراہ ڈاکٹر امجد ثاقب نے امریکہ میں مقیم پاکستانی نژاد ممتاز بزنس مین اور اخوت کے طویل عرصے سے ممتاز معاون میاں مشتاق جاوید کے اعزاز میں پرتکلف عشائیہ کا اہتمام کیا۔

یہ بھی پڑھیں: ستاروں کی روشنی میں آپ کا آج (پیر) کا دن کیسا رہے گا ؟

شرکاء کی فہرست

عشائیہ میں سینئر صحافی مجیب الرحمان شامی، معروف تجزیہ نگار حفیظ اللہ نیازی، معروف کالم نگار ڈاکٹر صغریٰ صد، ’’اخوت‘‘ کے سینئر عہدیداروں سمیت کاروباری، سماجی اور فلاحی حلقوں کی متعدد نمایاں شخصیات نے شرکت کی۔

یہ بھی پڑھیں: پاکستان آئندہ ماہ اقوام متحدہ کی سلامتی کونسل کی صدارت سنبھالے گا

میاں مشتاق جاوید کی خدمات کا اعتراف

ڈاکٹر امجد ثاقب نے اس موقع پر میاں مشتاق جاوید کی ’’اخوت‘‘ کے لیے کئی دہائیوں پر محیط خدمات کو سراہا اور کہا کہ "میاں مشتاق جاوید جیسے مخلص معاونین کی بدولت ہی ’’اخوت‘‘ آج پاکستان کا سب سے بڑا بلا سود قرضہ جات کا ادارہ بن سکا ہے اور کئی غریب خاندانوں کی زندگیاں بدل چکی ہے۔"

یہ بھی پڑھیں: شاہ محمود قریشی کا کوٹ لکھپت جیل سے ایم پی اے ندیم قریشی کو خط

میاں مشتاق جاوید کے اظہار تشکر

میاں مشتاق جاوید نے شکریہ کے کلمات ادا کرتے ہوئے کہا کہ ’’اخوت‘‘ کا ماڈل ملک سے غربت کے خاتمے کے لیے مثالی نمونہ ہے اور وہ زندگی بھر ’’اخوت‘‘ جیسے عظیم مشن کا حصہ رہیں گے۔

تقریب کا اختتام

تقریب شرکاء کی جانب سے ’’اخوت‘‘ کے مستقبل کے منصوبوں پر تبادلۂ خیال کے ساتھ اختتام پذیر ہوئی۔ شرکاء نے تقریب کو موثر اور خلوص سے بھرپور قرار دیا۔