جب تک عمران خان سے ملاقات نہیں ہوجاتی ہر جمعرات کو اڈیالا جیل جاؤں گا، وزیر اعلیٰ خیبر پختونخوا سہیل آفریدی

وزیراعلیٰ خیبرپختونخوا کا اعلان

پشاور (ڈیلی پاکستان آن لائن) خیبرپختونخوا کے وزیراعلیٰ سہیل آفریدی نے اعلان کیا ہے کہ جب تک عمران خان سے ملاقات نہیں ہوجاتی ہر جمعرات کو اڈیالا جیل جاؤں گا۔

یہ بھی پڑھیں: اٹلی؛ تارکین وطن کی دو کشتیوں سمندر میں ڈوب گئیں، پاکستانیوں سمیت 100 سے زائد افراد سوار تھے

تحریک انصاف کے جلسے میں خطاب

پشاور میں تحریک انصاف کے جلسے سے خطاب میں سہیل آفریدی کا کہنا تھا کہ کچھ لوگ چاہتے ہیں کہ ملک میں آئین و قانون کی بالادستی نہ ہو، بانی پی ٹی آئی عمران خان ناحق قید ہیں۔ انہوں نے کہا کہ آئین و قانون کے دائرے میں رہ کر جدوجہد کریں گے، ہم پرامن رہیں گے لیکن اپنا حق کسی کو کھانے نہیں دیں گے۔

اڈیالا جیل جانے کا عزم

سہیل آفریدی نے اعلان کیا کہ جب تک بانی پی ٹی آئی سے ملاقات نہیں ہوجاتی ہر جمعرات کو اڈیالا جیل جاؤں گا۔ ان کا کہنا تھا کہ قانون اور آئین کے دائرے میں رہیں گے، کسی کو موقع نہیں دینا کہ وہ ہم پر گولیاں چلائیں۔