قونصل جنرل خالد مجید کے اعزاز میں الوداعی تقریب، سفیر احمد فاروق شریک

الوداعی تقریب کا انعقاد

جدہ (محمد اکرم اسد) کشمیر کمیٹی جدہ اور کشمیر جموں و کشمیر اوورسیز کمیونٹی کے زیر اہتمام قونصل جنرل پاکستان خالد مجید کی رخصتی کے موقع پر ایک پر وقار الوداعی تقریب کا انعقاد کیا گیا، جس میں پاکستان کے سفیر سعودی عرب احمد فاروق نے بطور مہمان خصوصی شرکت کی۔

یہ بھی پڑھیں: پنجاب ایسڈ کنٹرول بل 2025: متفقہ طور پر منظور، خطرناک کیمیکلز کی خرید و فروخت، ذخیرہ اور تقسیم پر سخت ضوابط عائد

شرکاء کی موجودگی

تقریب میں مختلف سماجی، ادبی اور کشمیری تنظیموں کے رہنماؤں کے علاوہ بڑی تعداد میں کمیونٹی ارکان موجود تھے۔

یہ بھی پڑھیں: ترکیے نے اپنا پہلا ہائپر سونک میزائل ٹائفون بلاک 4 متعارف کروا دیا

صدر کشمیر کمیٹی کا خطاب

کشمیر کمیٹی کے صدر معسود احمد پوری نے شرکاء کو خوش آمدید کہتے ہوئے قونصل جنرل خالد مجید کی چھ سالہ دورانیے میں انجام دی گئی نمایاں خدمات کو سراہا۔ انہوں نے کہا کہ خالد مجید نے کشمیر کاز کے فروغ، کمیونٹی سے روابط کی مضبوطی اور سفارتی سرگرمیوں میں نئی جان ڈالنے کے ساتھ ساتھ کووڈ9 کے مشکل دور میں عمرہ زائرین کی واپسی، سوڈان اور شام سے پاکستانی شہریوں کی بحفاظت بازیابی، کشمیر کمیٹیوں کو اسلامی تعاون تنظیم میں تقریر کے مواقع کی فراہمی، اور پاکستانی کھیلوں کے ستاروں کی جدہ میں عزت افزائی جیسی یادگار خدمات انجام دیں۔ قونصلیٹ کی نئی عمارت کا قیام ان کا تاریخی کارنامہ ہے جو ہمیشہ یاد رکھا جائے گا۔

یہ بھی پڑھیں: الیکشن کمیشن نے وزیراعلیٰ سہیل آفریدی کی درخواست پر فیصلہ محفوظ کرلیا

سفیر پاکستان کا پیغام

سفیر پاکستان احمد فاروق نے اپنے خطاب میں قونصل جنرل کے کام کو خراج تحسین پیش کرتے ہوئے کہا کہ انہوں نے کمیونٹی کی بہبود، قونصلر خدمات کی بہتری اور ملک کے مثالی تصویر کو اجاگر کرنے میں اہم کردار ادا کیا۔ انہوں نے نئی قونصلیٹ عمارت کی تعمیر کو ایک سنگ میل قرار دیا۔

یہ بھی پڑھیں: نان فائلرز پر سوشل میڈیا پر بنی میمز کا ایوان میں ذکر، پیپلزپارٹی کے رکن قومی اسمبلی نے ’’طنز کے تیر‘‘ بھی چلا دیئے

قونصل جنرل کا الوداعی کلمات

قونصل جنرل خالد مجید نے اپنے الوداعی کلمات میں بتایا کہ ان کے دور میں درپیش چیلنجز کے باوجود جامع حکمت عملی کے تحت قونصلیٹ کے دروازے عوام کے لیے ہمیشہ کھلے رکھے گئے۔ انہوں نے کمیونٹی کے مسائل بشمول اسکولوں کے امور، اقامہ کی میعاد ختم ہونے والے پاکستانیوں اور اوور اسٹے کرنے والوں کی بحفاظت وطن واپسی کے لیے خصوصی اقدامات کی نشاندہی کی۔ انہوں نے کہا کہ نئی عمارت کی تکمیل ان کا اہم مشن تھی جو اب افتتاح کی منتظر ہے۔

اختتامی کلمات اور شیلڈز کی پیشکش

کشمیر جموں و کشمیر اوورسیز کمیونٹی کے چیئرمین انجینئر عارف مغل نے اختتامی کلمات ادا کیے اور میزبان تنظیموں کی جانب سے قونصل جنرل کو اعزازی شیلڈز اور تحائف پیش کیے گئے، جبکہ ان کی آئندہ زندگی کے لیے نیک خواہشات کا اظہار کیا گیا۔