پنجاب میں پٹرول موٹرسائیکل رکشے کی پروڈکشن پر پابندی لگانے کا فیصلہ

پنجاب میں پٹرول موٹر سائیکل رکشے کی پروڈکشن پر پابندی

لاہور (ڈیلی پاکستان آن لائن) پنجاب میں پٹرول موٹر سائیکل رکشے کی پروڈکشن پر پابندی لگانے کا فیصلہ کیا گیا۔

یہ بھی پڑھیں: بھارتی آرمی چیف کی ہندو روحانی پیشوا سے ملاقات” فوج اور مذہب کا خطرناک امتزاج ”، غیرجانبداری پر سوالات اٹھنے لگے، ویڈیو بھی سامنے آ گئی۔

اجلاس کی تفصیلات

نجی ٹی وی سما نیوز کے مطابق وزیراعلیٰ پنجاب مریم نواز کی زیرصدارت انسداد سموگ کے لئے کابینہ کمیٹی کا خصوصی اجلاس ہوا، جس میں سینیئر وزیر پنجاب مریم اورنگزیب نے سموگ کے تدارک اور فضائی معیار کی بہتری کے لئے اقدامات پر بریفنگ دی۔

یہ بھی پڑھیں: ہماری ترجیح غزہ میں جنگ بندی ہے، اسرائیل سے تعلقات معمول پر لانے کے سوال پر سعودی وزیر خارجہ کا جواب

نئی پالیسیاں

اجلاس میں پنجاب میں پٹرول موٹرسائیکل رکشے کی پروڈکشن پر پابندی لگانے کا فیصلہ کیا گیا۔ اس کے علاوہ، سرکاری اداروں کے لیے صرف الیکٹرک اور ہائبرڈ گاڑیاں اور موٹر سائیکل خریدنے کا فیصلہ بھی کیا گیا ہے۔ گھروں کی سطح پر پانی سے گاڑیاں دھونے پر مکمل پابندی عائد ہوگی۔ جدید دنیا کی طرح پورے پنجاب میں رنگ دار کوڑے دان لگانے کا بھی فیصلہ کیا گیا۔

یہ بھی پڑھیں: پی ٹی آئی کے سزا یافتہ رہنماؤں کو اعلیٰ عدالتوں سے ریلیف ملے گا، اسد عمر

سخت سزائیں

پلاسٹک اور زہریلا دھواں پیدا کرنے والی اشیاء جلانے پر سخت سزائیں دی جائیں گی، اور شہریوں کی صحت اور ماحول کو نقصان پہنچانے پر کوئی رعایت نہ برتی جائے گی۔

گاڑیوں کی ٹیسٹنگ

اجلاس میں دھواں دینے والی گاڑیوں کی مستقل بنیادوں پر ٹیسٹنگ کے لئے مختلف ورکشاپس کرنے کی منظوری دی گئی۔ وزیراعلیٰ مریم نواز نے کہا کہ شہریوں کا بھی شکریہ ادا کرتے ہیں جنہوں نے حکومت اور اداروں سے بھرپور تعاون کیا۔