اگر میری زندگی پر کبھی کوئی فلم بنی تو۔۔۔دھرمیندر نے کس بھارتی اداکار کو اپنے جیسا کہا تھا ؟

دھرمیندر کی تعریفیں اور خواہشات

ممبئی ( ڈیلی پاکستان آن لائن ) بالی ووڈ کے لیجنڈری اداکار دھرمیندر نے ایک بھارتی اداکار کو اپنا جیسا قرار دیا ہے اور ان کی آخری خواہش بھی سامنے آئی ہے۔ اس حوالے سے ان کے متعدد انٹرویوز اور ویڈیو کلپس سوشل میڈیا پر وائرل ہو رہے ہیں۔

یہ بھی پڑھیں: صدر مملکت آصف زرداری 12 ستمبر سے چین کا 8 روزہ دورہ کریں گے

شراب نوشی سے بچنے کی جدوجہد

’’جنگ‘‘ کے مطابق دھرمیندر کے ماضی میں دیئے گئے دو مختلف انٹرویوز کے کلپس نے خاص توجہ حاصل کی ہے جہاں انہوں نے اپنی خواہشات کا ذکر کیا ہے۔ 2007 میں ایک انٹرویو کے دوران، انہوں نے شراب نوشی کی عادت ترک کرنے پر بات کی اور اس پر قابو پانے کے لیے سخت جدوجہد کا ذکر کیا۔

دھرمیندر نے اعتراف کیا کہ انہوں نے 8 سال قبل شراب چھوڑ دی تھی اور یہ فیصلہ ان کی زندگی بدلنے والا تھا۔ انہوں نے کہا، "اگر آپ اپنی ظاہری شکل و صورت، اپنی طاقت اور سوچ کو بہتر رکھنا چاہتے ہیں تو یہ بہت بری چیز ہے۔ یہ آپ کی شکل و صورت اور سوچ پر برا اثر ڈالتی ہے۔ کاش میں نے کبھی شراب کو ہاتھ نہ لگایا ہوتا۔ اگر میں نے کبھی اسے ہاتھ نہیں لگایا ہوتا تو آج میری زندگی مختلف ہوتی۔ میں ایک مختلف دھرمیندر ہوتا۔"

سلمان خان کو بیٹا قرار دینا

اسی دوران ایک اور ویڈیو کلپ بھی وائرل ہو رہا ہے جس میں انہوں نے اداکار سلمان خان کو اپنا بیٹا قرار دیتے ہوئے اپنی بائیوپک میں انہیں کاسٹ کرنے کی خواہش ظاہر کی تھی۔

لیجنڈری اداکار نے 2015 میں دیئے گئے ایک انٹرویو میں سلمان خان سے کہا، "تو میرا بیٹا ہی ہے، تو مجھ پر ہی گیا ہے۔ اگر میری زندگی پر کبھی کوئی فلم بنی تو اس میں میرا کردار سلمان خان سے بہتر اور کوئی نہیں نبھا سکتا۔ اس کی شخصیت مجھ سے ملتی جلتی ہے۔"