ہمارے پاس آخری راستہ بھی ہے، اس پر غور کیا جا رہا ہے، وزیر اعلیٰ خیبر پختونخوا سہیل آفریدی

وزیرِاعلیٰ خیبر پختونخوا کی تشویش

راولپنڈی (ڈیلی پاکستان آن لائن) وزیرِاعلیٰ خیبر پختونخوا سہیل آفریدی کا کہنا ہے کہ ہمارے پاس آخری راستہ بھی ہے، اس پر غور کیا جا رہا ہے۔ راولپنڈی میں گورکھپور ناکے پر میڈیا سے گفتگو کرتے ہوئے انہوں نے کہا کہ ہم نے تمام قانونی اور جمہوری راستے اپنائے ہیں۔

یہ بھی پڑھیں: یحییٰ سنوار کی موت والا صوفہ میری ماں کا دیا ہوا ہے: وہ گھر جہاں اسرائیل نے حماس کے سربراہ کو ہلاک کیا

دھرنے کی صورتحال

میں دھرنے میں آنا چاہتا تھا مگر بانیٔ پی ٹی آئی کی بہنوں نے منع کیا۔ سہیل آفریدی نے صحافیوں سے سوال کیا کہ آپ سمجھتے ہیں کہ اس حکومت کے پاس کوئی اختیار ہے؟ بانیٔ پی ٹی آئی کی ہدایت پر حکومت سے مذاکرات ہوئے لیکن ان کے پاس کوئی اختیار نہیں۔

یہ بھی پڑھیں: خیبرپختونخوا کابینہ کی تشکیل پر مشاورت جاری ہے، عمران خان سے مشاورت کے بغیر کوئی فیصلہ نہیں ہو سکتا، اسد قیصر

عوامی رائے

ان کا کہنا ہے کہ 8 فروری کو جو ہوا، 23 نومبر کو بھی وہی ہوا۔ یہ سمجھتے ہیں کہ عوام کا جمہوریت پر بھروسہ اٹھ جائے گا۔ حالیہ ضمنی الیکشن میں 95 فیصد لوگ ووٹ دینے نہیں نکلے، پنجاب کے عوام نے ووٹ نہ دے کر بانیٔ پی ٹی آئی سے اظہارِ یکجہتی کیا۔

یہ بھی پڑھیں: پاکستان قونصلیٹ جدہ میں ماہ ربیع الاول کی مناسبت سے تقریب کا انعقاد

حکومتی کارکردگی

وزیرِاعلیٰ خیبر پختونخوا نے کہا کہ بانیٔ پی ٹی آئی سے ملاقات نہ کرانے پر ہمارے خدشات بڑھ رہے ہیں۔ میں نے کسی سے بات کرنے کی بات نہیں کی، کیونکہ ان کے پاس مینڈیٹ ہی نہیں۔

یہ بھی پڑھیں: سونے کی قیمت میں پھر اضافہ، فی تولہ قیمت 4 لاکھ 31 ہزار 562 روپے ہو گئی

عالمی مالیاتی ادارے کا موقف

انہوں نے کہا کہ آئی ایم ایف نے موجودہ حکومت کے خلاف چارج شیٹ پیش کی ہے۔ صحافیوں کو چاہیے کہ 5300 ارب کی کرپشن پر بات کریں، یہ پیسہ عام آدمی کے ٹیکس کا پیسہ ہے، بے روزگاری آسمان کو چھو رہی ہے، نوجوان پاکستان چھوڑ کر جا رہے ہیں۔

این ایف سی اجلاس

وزیرِاعلیٰ خیبر پختونخوا سہیل آفریدی کا کہنا ہے کہ سوال اُن سے بھی ہوگا جنہوں نے عوامی مینڈیٹ پر ڈاکا ڈالا۔ این ایف سی میں اپنے صوبے کا مقدمہ لڑنے کے لیے شرکت کروں گا کیونکہ حکومت نے 4 مرتبہ این ایف سی اجلاس ملتوی کیا ہے۔