عمران خان سے ملاقات کی اجازت نہ ملنے پر وزیراعلیٰ سہیل آفریدی کا فیکٹری ناکے پر دھرنا جاری

وزیراعلٰی خیبرپختونخوا کا اڈیالہ جیل کا دورہ

راولپنڈی (ڈیلی پاکستان آن لائن) بانی پی ٹی آئی سے ملاقات کے لیے وزیراعلٰی خیبرپختونخوا اڈیالہ جیل پہنچے لیکن پولیس نے انہیں فیکٹری ناکے پر روک دیا، سہیل آفریدی نے وہیں دھرنا دے دیا، جو ابھی تک جاری ہے۔

یہ بھی پڑھیں: شعیب اختر بھارت کے خلاف میچ میں فخر زمان کے غلط آؤٹ پر بول پڑے

پولیس کی مداخلت

بانی پی ٹی آئی سے ملاقات کے دن وزیراعلٰی خیبرپختونخوا اپنے قائد سے ملنے کے لیے اڈیالہ جیل کے قریب پہنچے تاہم پولیس نے انہیں آگے جانے کی اجازت نہ دی۔ سہیل آفریدی نے اڈیالہ جیل کی طرف مارچ کیا، پنجاب پولیس نے انہیں آگے بڑھنے سے روکا تو وہ فیکٹری ناکہ پر دھرنا دے کر بیٹھ گئے۔

کارکنان کی موجودگی اور یکجہتی کا اظہار

موقع پر کارکنان کی بڑی تعداد موجود ہے، جو عمران خان کے حق میں نعرے لگا کر اپنے قائد سے بھرپور یکجہتی کا اظہار کر رہے ہیں۔ دھرنے کے دوران کارکنوں نے باجماعت نماز ادا کی اور پاکستان کی سلامتی، استحکام، عمران خان کی صحت اور ناحق قید سے رہائی کے لیے اجتماعی دعا بھی کی گئی۔