بیوی اور بیٹی کے مبینہ اغواء کے معاملے میں ملوث ہونے کا الزام، ڈی ایس پی عثمان حیدر معطل

ڈی ایس پی کاہنہ انویسٹی گیشن کی معطلی

آئی جی پنجاب نے ڈی ایس پی کاہنہ انویسٹی گیشن عثمان حیدر کو مبینہ طور پر بیوی اور بیٹی کے اغواء کے کیس میں ملوث ہونے کے الزام پر معطل کر دیا۔ اس حوالے سے سینٹرل پولیس آفس نے نوٹیفکیشن جاری کر دیا ہے۔

یہ بھی پڑھیں: غریب موٹر سائیکل والے پر چالان کیے جا رہے ہیں طاقتور کو آپ کچھ کہہ نہیں سکتے ہیں؛اسد عمر

غائب ہونے والے افراد کا پس منظر

ذرائع کے مطابق ڈی ایس پی عثمان حیدر کی بیوی اور بیٹی تقریباً ڈیڑھ ماہ قبل برکی کے علاقے سے لاپتہ ہوئی تھیں۔ سسرالیوں نے الزام لگایا ہے کہ عثمان حیدر دونوں خواتین کے غائب ہونے میں خود ملوث ہیں۔

یہ بھی پڑھیں: کوٹ لکھپت جیل میں قید تحریک انصاف کے سینئر رہنماؤں نے رمضان میں احتجاج مؤخر کرنے کی اپیل کردی

پولیس کی تحقیقات

پولیس کے مطابق ڈی ایس پی نے بیوی اور بیٹی کے لاپتہ ہونے سے متعلق رپورٹ تاخیر سے جمع کروائی تھی جس کے بعد معاملہ مشکوک ہوگیا۔

خصوصی تحقیقاتی ٹیم کی تشکیل

ترجمان پولیس کا کہنا ہے کہ کیس کی حساسیت کے پیش نظر خصوصی تحقیقاتی ٹیم تشکیل دے دی گئی ہے جو عثمان حیدر سے واقعے کے متعلق مکمل پوچھ گچھ کر رہی ہے۔