کرکٹ میچوں پر جوا کھیلنے والے سندھ پولیس اہلکار سمیت 2 ملزمان گرفتار

ایف آئی اے کی کارروائی

کراچی (آئی این پی) ایف آئی اے نے کرکٹ میچوں پر جوا کھیلنے اور کھلانے میں ملوث 2 ملزمان مجیب الرحمن اور زاہد علی کو گرفتار کر لیا۔

یہ بھی پڑھیں: اداکارہ عائشہ عمر کے شو لازوال عشق پر عوامی اعتراضات، پیمرا کا ردعمل

ملزمان کے خلاف الزامات

تفصیل کے مطابق ملزمان پر بین الاقوامی سطح پر جوا کرانے والوں گروہوں سے منسلک ہونے کا الزام ہے۔ ایف آئی اے اینٹی کرپشن اسلام آباد نے ملزمان کے خلاف مقدمات درج کر لئے ہیں۔

یہ بھی پڑھیں: آٹے کی قیمتوں میں ملی بھگت سے اضافہ، پاکستان فلور ملز ایسوسی ایشن کو ساڑھے 3 کروڑ جرمانہ

زاہد علی کی پروفائل

متن مقدمہ میں بتایا گیا ہے کہ گرفتار ملزم زاہد علی سندھ پولیس کا اہلکار، پروفیشنل کرکٹر اور امپائر ہے۔ ملزم زاہد علی 2021 تک کرکٹ کھیلتا رہا اور ضلعی سطح پر امپائرنگ کرتا رہا۔

یہ بھی پڑھیں: پاکستان ایران دوستی کا نیاباب، بارڈر کھلا رکھنے سے متعلق بڑا فیصلہ

جوئے کی بین الاقوامی شمولیت

زاہد علی آن لائن کرکٹ جوئے میں بھی ملوث رہا اور بین الاقوامی خواتین کرکٹرز سے رابطے میں تھا۔

یہ بھی پڑھیں: سیکرٹری داخلہ پنجاب کی صدارت میں اعلیٰ سطحی اجلاس: شنگھائی تعاون تنظیم سربراہی اجلاس کے پیش نظر اہم فیصلے

افریقی ممالک کے ساتھ روابط

زمبابوے، کینیا، گھانا سمیت دیگر افریقی ممالک میں کرکٹرز سے رابطوں کا ذکر موجود ہے۔ مزید یہ کہ ملزم زاہد علی خود کو پروفیشنل امپائر کے طور پر پیش کرتا تھا اور ورلڈ کرکٹ لا کے نام سے واٹس ایپ گروپ کے ذریعے لوگوں سے جڑا ہوا تھا۔

بین الاقوامی پابندیاں

ملزم کو آئی سی سی کی جانب سے نوٹس بھی مل چکا ہے اور وہ کرکٹ جوئے کے لیے انسانی سمگلنگ میں بھی ملوث رہا۔ ملزمان جعلی تعلیمی اسناد کی تیاری میں بھی شامل تھے۔