پشاور؛ بورڈ بازار میں فائرنگ سے عالم دین کمسن بیٹے سمیت جاں بحق
پشاور میں عالم دین پر قاتلانہ حملہ
پشاور (ویب ڈیسک) تھانہ پشتہ خرہ کی حدود بورڈ بازار میں عالم دین قاتلانہ حملے میں کم سن بیٹے سمیت جاں بحق جبکہ دوسرے بیٹے زخمی ہوگئے۔ پولیس کے مطابق موٹرسائیکل سوار افراد کی اندھا دھند فائرنگ سے علاقے میں خوف و ہراس پھیل گیا تھا۔
یہ بھی پڑھیں: Sodi Arabia ya Pakistan: Kaun Musalman Ummah ki Qiyaadat Karega? – Fazlur Rehman
حملے کے وقت کا واقعہ
تھانہ پشتہ خرہ پولیس کے مطابق، عالم دین قاری عزت اللہ سفید ڈھیری میں واقع مدرسے میں نماز جمعہ کی ادائیگی کے بعد اپنے دو بیٹوں کے ہمراہ موٹرکار میں گھر جارہے تھے کہ بورڈ بازار میں موٹرسائیکل سوار افراد نے ان پر فائرنگ کردی۔
یہ بھی پڑھیں: دور آتی جاتی گاڑی دیکھ کر ایسا محسوس ہوتا جیسے پٹری پر سے اتر کر گہرے پانیوں میں داخل ہو گئی ہے اور اب لہروں سے لڑتی تیرتی سفر جاری رکھے ہوئے ہے۔
نتائج اور طبی امداد
پولیس نے بتایا کہ فائرنگ کے نتیجے میں قاری عزت اللہ ساکن فیز 2 اور بیٹا علی جاں بحق جبکہ دوسرا بیٹا مرتضیٰ زخمی ہوگیا۔ لاشوں اور زخمی کو اسپتال منتقل کردیا گیا جہاں زخمی کو طبی امداد دی جا رہی ہے۔
پولیس کا عمل
ایس پی کینٹ احتراز خان پولیس نفری سمیت جائے وقوع پر پہنچ گئے تھے، جہاں سے اہم شواہد اکٹھے کرلیے گئے ہیں۔ قریبی علاقوں میں لگے سی سی ٹی وی کیمروں کی ریکارڈنگ حاصل کرکے نامعلوم افراد کے خلاف مقدمہ درج کرلیا گیا۔ ان کا کہنا تھا کہ واقعے کا ٹارگٹ کلنگ سمیت مختلف پہلوؤں پر تفتیش کا آغاز کر دیا گیا ہے۔
