پیٹرولیم مصنوعات کی قیمتوں میں کمی کا امکان

متوقع قیمتوں میں کمی

اسلام آباد (ڈیلی پاکستان آن لائن) پاکستان میں یکم دسمبر 2025 سے اگلے 15 روز کے لیے پیٹرولیم مصنوعات کی قیمتوں میں نمایاں کمی کا امکان ظاہر کیا جا رہا ہے۔

یہ بھی پڑھیں: ریٹائرمنٹ کی افواہوں پر قومی کرکٹ ٹیم کے مڈل آرڈر بیٹر حارث سہیل کا ردعمل آگیا

قیمتوں میں کمی کی خصوصیات

''جیو نیوز'' نے صنعتی اور سرکاری ذرائع کے حوالے سے بتایا ہے کہ یکم دسمبر سے پیٹرولیم مصنوعات میں فی لیٹر 6.35 روپے تک کمی کا امکان ہے۔ متوقع ریلیف کا سبب عالمی سپلائی میں اضافہ بتایا جا رہا ہے، جو خلیجی خطے کے سب سے بڑے ریفائننگ کمپلیکس میں سے ایک، کویت کی الزور ریفائنری کی متعدد یونٹس کی بحالی کے بعد ممکن ہوا ہے۔

یہ بھی پڑھیں: کراچی: پولیس کی حراست میں بہاولپور کا نوجوان تشدد سے ہلاک، 7 اہلکار معطل

پیٹرول کی قیمت میں کمی

13 دن کے ڈیٹا پر مبنی ابتدائی حساب کے مطابق، پیٹرول کی قیمت میں 3.70 روپے فی لیٹر کمی کا امکان ہے، جس کے بعد فی لیٹر پیٹرول کی قیمت 265.45 روپے سے کم ہوکر 261.75 روپے فی لیٹر ہو سکتی ہے۔

یہ بھی پڑھیں: ابھیشیک شرما نے ایشیاء کپ میں محمد رضوان کا ریکارڈ توڑ دیا

ہائی اسپیڈ ڈیزل کی قیمت میں متوقع تبدیلی

دوسری جانب ہائی اسپیڈ ڈیزل کی قیمت میں 4.28 روپے فی لیٹر کمی کا امکان ظاہر کیا جا رہا ہے، جس کے بعد قیمت 284.44 روپے سے کم ہو کر تقریباً 280.16 روپے فی لیٹر ہوسکتی ہے۔

دیگر پیٹرولیم مصنوعات کی صورتحال

مٹی کے تیل (کیروسین) کی قیمت میں معمولی کمی متوقع ہے۔