پاک فوج کا عراقی فوج کے لیے اسپیشل فورسز ٹریننگ کا کامیاب انعقاد

پاک فوج کی اسپیشل فورسز کی ٹریننگ کا انعقاد

راولپنڈی (ڈیلی پاکستان آن لائن) پاک فوج نے عراقی فوج کے دستوں کے لیے اسپیشل فورسز کی ٹریننگ کا کامیابی سے انعقاد کیا۔

یہ بھی پڑھیں: 1 مئی مقدمات میں نامزد اور مطلوب افراد کو ہر صورت سلاخوں کے پیچھے ہونا چاہیے، عظمیٰ بخاری

ٹریننگ کی مدت

پاک فوج کے شعبۂ تعلقاتِ عامہ آئی ایس پی آر کے مطابق ٹریننگ کا انعقاد 24 ستمبر سے 29 نومبر تک نیشنل کاؤنٹر ٹیررازم سینٹر پاکستان میں کیا گیا۔

یہ بھی پڑھیں: ٹیکس فراڈ کے مخصوص کیسز پر ہی گرفتاری ہوگی: وزیر مملکت خزانہ نے وضاحت کردی

گریجویشن تقریب

446 ٹرینیز کے تیسرے بیچ کی گریجویشن تقریب منعقد ہوئی، جس میں پاک فوج اور عراق کے عسکری حکام نے شرکت کی۔ دونوں ممالک کے دستوں نے ٹریننگ کے دوران غیر معمولی پیشہ ورانہ صلاحیت، عملی مہارت اور لگن کا مظاہرہ کیا۔

یہ بھی پڑھیں: ثنا سیّد اور عماد شمسی کے گھر ننھی پری کی آمد

تربیتی پروگرام کا مقصد

تربیتی پروگرام کا مقصد انسدادِ دہشت گردی کی صلاحیتوں میں اضافہ، حربی مشقوں اور مشترکہ مشن پلاننگ کو بہتر بنانا تھا۔

کامیابی اور روابط

پاک فوج کے شعبۂ تعلقاتِ عامہ کے مطابق تمام تربیتی اہداف کامیابی سے حاصل کر لیے گئے۔ اس تربیت سے پاکستان اور عراق کے دیرینہ عسکری تعلقات مزید مضبوط ہوئے اور دونوں ممالک نے علاقائی سلامتی اور مشترکہ دفاعی تیاریوں کے عزم کا اعادہ بھی کیا۔