سعودی عرب میں پاکستان پیپلز پارٹی کے زیر اہتمام یومِ تاسیس کی پروقار تقریب منعقد

یومِ تاسیس کی تقریب

جدہ (محمد اکرم اسد) سعودی عرب میں پاکستان پیپلز پارٹی کے زیراہتمام یومِ تاسیس کی پروقار تقریب منعقد ہوئی۔ تقریب کی صدارت پیپلز پارٹی سعودی عرب کے صدر چوہدری تصور حسین نے کی، جبکہ سابق مشیر سردار عنایت اللہ عارف مہمانِ خصوصی تھے۔ خصوصی اعزازی مہمان سردار شہک حیدر اور اسٹیج سیکرٹری آفتاب احمد ترابی نے بھی تقریب میں اہم کردار ادا کیا۔

یہ بھی پڑھیں: شہر لاہور میں 24 گھنٹوں کے دوران 4 مبینہ پولیس مقابلے، 7 ڈاکو ہلاک

خطاب کا خلاصہ

تقریب سے خطاب کرتے ہوئے چوہدری تصور حسین نے کہا کہ اس پارٹی کی بنیاد اس وقت رکھی گئی جب آمریت کا دور دورہ تھا اور شہید بھٹو نے عوام کو جگایا اور بہت مختصر عرصے میں پارٹی کو غریبوں کی جھگیوں تک پہنچا دیا۔ یومِ تاسیس پارٹی کے شہداء کے مشن اور عوامی خدمت کے عہد کی تجدید ہے۔ مہمانِ خصوصی سردار عنایت اللہ عارف نے کہا کہ پیپلز پارٹی ہر دور میں عوام کی آواز رہی ہے اور بیرونِ ملک پاکستانیوں کی شرکت اس بات کا ثبوت ہے کہ بھٹو اور بینظیر بھٹو کا نظریہ آج بھی زندہ ہے۔

یہ بھی پڑھیں: برطانوی شہری کے دبئی میں کھونے والے ائیر پوڈز جہلم پولیس نے کیسے ڈھونڈے؟ دلچسپ کہانی جانیے

دیگر رہنماؤں کی شرکت

تقریب سے سینئیر نائب صدر جاوید ملک، سردار محمد اشفاق، جون گلزار، ملک سعید زنان، ملک شبیر اعوان اور سردار مہتاب سرور سمیت مختلف جماعتوں کے رہنماؤں نے بھی خطاب کیا اور پارٹی کی سیاسی و جمہوری جدوجہد کو خراجِ تحسین پیش کیا۔

اختتام اور دعا

آخر میں یومِ تاسیس کا کیک کاٹا گیا اور ملک و قوم کی سلامتی کے لیے دعا کی گئی۔