خیبر پختونخوا میں افغان مہاجرین کے کیمپ اب تک قائم ہیں: وزیر داخلہ محسن نقوی

محسن نقوی کا افغان مہاجرین کے کیمپوں کے خاتمے کا اعلان

لاہور(ڈیلی پاکستان آن لائن) وزیر داخلہ محسن نقوی کا کہنا ہے کہ خیبر پختونخوا میں افغان مہاجرین کے کیمپ اب تک قائم ہیں، افغان کیمپ ختم کر رہے ہیں۔

یہ بھی پڑھیں: پنجاب کے میڈیکل اینڈ ڈینٹل کالجز میں داخلے کے لیے پالیسی منظور

کیمپ کی ڈی نوٹیفکیشن

روزنامہ جنگ کے مطابق لاہور میں میڈیا سے گفتگو کرتے ہوئے انہوں نے کہا کہ نوشہرہ اور خیبر میں کیمپ کو ڈی نوٹیفائی کیا، وہ ابھی تک آپریشنل نہیں۔

یہ بھی پڑھیں: نوجوانوں کی تربیت اور قومی دفاع

اسلام آباد خودکش حملے میں افغان ملوث

محسن نقوی کا کہنا تھا کہ اسلام آباد خودکش حملے میں افغانی ملوث تھے۔ ایس ایچ او کی ذمے داری لگائی جا رہی ہے کہ افغانیوں کو ڈھونڈیں۔

یہ بھی پڑھیں: مولانا فضل الرحمان کا کم عمری کی شادی پر پابندی کے بل سے متعلق بڑا اعلان

افغان مہاجرین کی واپسی کی ضرورت

انہوں نے کہا کہ ہمیں ہر صورت میں افغان مہاجرین کو واپس بھیجنا ہے، ہم مزید بم دھماکے افورٹ نہیں کر سکتے۔ ملک بھر میں افغانیوں کا انخلا جاری ہے۔

یہ بھی پڑھیں: ویڈیو: حکومتی اصلاحات کی بدولت نیب کی کارکردگی میں واضح بہتری، ہزاروں ارب روپے بازیاب کروالیے

دہشت گردی کے پیچھے حقیقت

ان کا کہنا تھا کہ ہم کو واضح طور پر پتہ ہے کہ دہشت گردی کے پیچھے کون ہے اور کون کروا رہا ہے، آپ پہلے ہمارے مہمان تھے اب نہیں ہیں آپ خود ہی عزت سے واپس چلے جائیں۔

یہ بھی پڑھیں: صدر مملکت آصف علی زرداری کی میاں منظور احمد خان وٹو کی رہائش گاہ آمد، خیریت دریافت کی

ایف آئی اے کے کردار پر تنقید

’’میں یہ نہیں کہتا کہ ایف آئی اے والے بھی فرشتے ہیں‘‘ انہوں نے کہا کہ ایک دن میں 50 سے 70 لوگ آف لوڈ ہو رہے ہیں، میں یہ نہیں کہتا کہ ایف آئی اے والے بھی فرشتے ہیں، کہیں ایسا بھی ہوا ہے کہ کسی کو ایک جگہ سے روکا، وہ دوسری جگہ سے چلے گئے۔

یہ بھی پڑھیں: لک برادران کی نواز شریف سے جاتی امراء میں ملاقات، قائد مسلم لیگ کا ظہرانہ

سوشل میڈیا پر غلط خبروں کا سدباب

محسن نقوی کا کہنا تھا کہ سوشل میڈیا پر کسی کو تذلیل کرنے کی اجازت نہیں دیں گے، اگر آپ کے پاس ثبوت ہے تو آپ ضرور دیں، سوشل میڈیا پر 90 فیصد خبریں غلط چل رہی ہیں۔

یہ بھی پڑھیں: بجٹ پر تجاویز رپورٹ سینیٹ میں پیش، اپوزیشن کا اعتراض، حکومت کی وضاحتیں

نیشنل میڈیا کے حوالے سے وضاحت

وزیر داخلہ نے کہا کہ نیشنل میڈیا پر غلط خبر چلتی ہے تو پیمرا کا نوٹس ہوتا ہے، سوشل میڈیا پر تصویر لگائیں گے، جو دل کرے گا وہ خبر چلائیں گے، یہ نہیں ہوسکتا کہ سوشل میڈیا پر جو چاہیں خبر لگا دیں۔

یہ بھی پڑھیں: الزامات غیر ذمہ دارانہ، خطے میں دہشتگردی کے فروغ میں بھارت کا کردار واضح ہے: دفتر خارجہ

سوشل میڈیا پر کریک ڈاؤن کا عزم

’’سوشل میڈیا پر غلط خبر پر کریک ڈاؤن کریں گے‘‘ وفاقی وزیر کا کہنا ہے کہ سوشل میڈیا پر غلط خبر پر کریک ڈاؤن کریں گے، جھوٹی خبر پھیلانے والے صحافی نہیں ہیں۔

یہ بھی پڑھیں: اسلام آباد ہائیکورٹ بار کے سالانہ انتخابات، واجد گیلانی دوبارہ صدر منتخب

لندن میں بیٹھ کر غلط اطلاعات دینا

محسن نقوی نے کہا کہ کوئی لندن میں بیٹھ کر بکواس کر رہا ہے کہ اداروں میں مسئلہ چل رہا ہے، جو لوگ باہر بیٹھیں انہیں بتا دوں آپ لوگ بہت جلد واپس آرہے ہیں، بہت جلد آپ کو یہاں لائیں گے اور ساری باتوں کا جواب دینا ہو گا۔

قومی سلامتی پر کسی قسم کا سمجھوتا نہیں

’’قومی سلامتی کے معاملے پر کوئی سمجھوتا نہیں ہو گا‘‘ وزیر داخلہ کا کہنا تھا کہ ہم ٹی وی چینل کو کیوں غلط نہیں کہتے کیونکہ وہ ایک سسٹم کے تحت چل رہے ہیں، اگر کوئی ٹی وی چینل غلط خبر چلاتا ہے تو اس کو جرمانہ ہوتا ہے، جو فیک نیوز پھیلا رہا ہے ان کے خلاف کارروائی ضرور ہو گی، قومی سلامتی کے معاملے پر کوئی سمجھوتا نہیں ہو گا۔