کراچی: بیٹی کے سکول بیگ میں منشیات سمگل کرنے والی خاتون گرفتار

خاتون کی گرفتاری

کراچی(ڈیلی پاکستان آن لائن) بیٹی کے سکول بیگ میں کتابوں کے نیچے چھپا کر منشیات کوئٹہ سے کراچی سمگل کرنے والی خاتون کو گرفتار کرلیا گیا ہے۔

یہ بھی پڑھیں: اسرائیل سے متعلق نئے پاسپورٹ کے ڈیزائن پر پروپیگنڈا، ڈی جی پاسپورٹ نے سینیٹ میں وضاحت پیش کردی

تلاشی کی کارروائی

نجی ٹی وی چینل جیو نیوز کے مطابق موچکو پولیس نے کوئٹہ سے کراچی آنے والی مسافر بس کی تلاشی کے دوران شک کی بنیاد پر 10سالہ بچی کے پاس موجود سکول بیگ کی تلاشی لی جس کے دوران سکول بیگ سے مبینہ طور پر 4کلو منشیات برآمد کرلی گئی۔

یہ بھی پڑھیں: کراچی والوں کے لیے بجلی 4.69 روپے فی یونٹ سستی ہونے کا امکان

ملزمہ کی شناخت

ایس ایس پی کیماڑی امجد شیخ کے مطابق مسافر کوچ میں منشیات سپلائی میں ملوث خاتون بی بی ذاکرہ کوئٹہ سے کراچی آنے والی بس میں اپنی 10سالہ بیٹی کے ساتھ سفر کررہی تھی۔ ایس ایس پی کیماڑی نے بتایا کہ ملزمہ نے اپنی بیٹی کے سکول بیگ میں کتابوں کے نیچے منشیات چھپاکر کراچی منتقل کرنے کی کوشش کی جسے کیماڑی پولیس نے ناکام بنادیا۔

مقدمہ اور منشیات کی سپلائی

ایس ایس پی کیماڑی کے مطابق برآمدہ منشیات کراچی کے مختلف علاقوں میں سپلائی کی جانی تھی، ملزمہ کو تھانے منتقل کرکے اس کے خلاف منشیات ایکٹ کے تحت مقدمہ درج کرلیا گیا ہے۔