مالی سال کے پہلے 4 ماہ میں ٹیکسٹائل برآمدات کا حجم 6 ارب 39 کروڑ ڈالر سے تجاوز کرگیا

ٹیکسٹائل برآمدات کی بلند ترین سطح

اسلام آباد (ڈیلی پاکستان آن لائن) وفاقی ادارہ شماریات کا کہنا ہے مالی سال کے پہلے 4 ماہ میں ٹیکسٹائل برآمدات بلند ترین سطح پر پہنچ گئیں۔ جولائی تا اکتوبر ٹیکسٹائل برآمدات کا حجم 6 ارب 39 کروڑ ڈالر سے تجاوز کرگیا، گزشتہ مالی سال کے مقابلے میں ٹیکسٹائل برآمدات میں 4 فیصد تک اضافہ ریکارڈ کیا گیا۔ گزشتہ مالی سال اسی مدت میں ٹیکسٹائل برآمدات کا حجم 6 ارب 14 کروڑ ڈالر تھا۔

یہ بھی پڑھیں: مصدقہ انٹیلی جنس اطلاعات ہیں کہ بھارت پہلگام واقعہ کو جواز بنا کر اگلے 24 سے 36 گھنٹوں میں فوجی کارروائی کا ارادہ رکھتا ہے: وزیراطلاعات

اکتوبر میں ٹیکسٹائل ایکسپورٹس میں کمی

سما ٹی وی کے مطابق ادارہ شماریات کی رپورٹ میں بتایا گیا ہے کہ اکتوبر 2025 میں گزشتہ ماہ کے مقابلے میں ٹیکسٹائل ایکسپورٹس میں 0.57 فیصد کمی ہوئی۔ اکتوبر میں ٹیکسٹائل مصنوعات کی برآمدات کا حجم 1 ارب 61 کروڑ ڈالر رہا، جبکہ گزشتہ سال اکتوبر میں ٹیکسٹائل برآمدات 1 ارب 62 کروڑ ڈالر تھیں۔