ایران نے بڑے سونے کے ذخیرے کی دریافت کا اعلان کر دیا

ایران میں نئے سونے کے ذخائر کی دریافت

تہران (ڈیلی پاکستان آن لائن) ایران نے ملک کے اہم ترین سونے کے ذخائر میں سے ایک میں نیا اور بڑا ذخیرہ دریافت کرنے کا اعلان کیا ہے۔ یہ نئی دریافت مشرقی صوبے جنوبی خراسان میں واقع نجی ملکیتی ’’شادان گولڈ مائن‘‘ میں ہوئی ہے، جسے ایران کی اہم ترین سونے کی کانوں میں شمار کیا جاتا ہے۔

یہ بھی پڑھیں: اس کی قیمت ایک کروڑ ہے، درفشاں کی پینٹنگ کی ویڈیو وائرل

نئے ذخیرے کی توثیق

فارس نیوز ایجنسی کے مطابق اس نئے ذخیرے کی باقاعدہ توثیق وزارتِ صنعت، معدن و تجارت نے کر دی ہے۔ رپورٹ میں کہا گیا ہے کہ شادان گولڈ مائن کے ثابت شدہ ذخائر میں ایک بڑے نئے سونے کے وین (Vein) کی دریافت کے بعد نمایاں اضافہ ہوا ہے۔

یہ بھی پڑھیں: سیاحتی مقامات پر عدم تحفظ ٹورازم کے لیے مشکلات پیدا کر رہا ہے: لیاقت بلوچ

نئے ذخیرے کی مقدار

بیان کے مطابق نئے ذخیرے میں 7.95 ملین ٹن آکسائیڈ گولڈ اور 53.1 ملین ٹن سلفائیڈ گولڈ موجود ہے۔ آکسائیڈ اور عام طور پر نکالنے میں سستا اور آسان ہوتا ہے۔

یہ بھی پڑھیں: جنرل عاصم منیر میری جان، مودی کی دھمکیوں پر پنجابی ٹپے

سونے کی خریداری میں اضافہ

خبر ایجنسی اے ایف پی کے مطابق ایران نے سرکاری طور پر اپنے مجموعی قومی سونے کے ذخائر کی تفصیلات ظاہر نہیں کیں، تاہم حکام کا دعویٰ ہے کہ حالیہ برسوں میں سونے کی خرید میں نمایاں اضافہ ہوا ہے۔

یہ بھی پڑھیں: ڈیزل، ایل پی جی، انڈے، چاول، بیف، دال مونگ اور آلو سمیت 18 اشیا ضروریہ ایک ہفتے کے دوران مہنگی

مرکزی بینک کی رپورٹ

ستمبر میں ایران کے مرکزی بینک کے گورنر محمدرضا فرزین نے بتایا تھا کہ 2023-24 میں ایران دنیا کے پانچ بڑے سونا خریدنے والے مرکزی بینکوں میں شامل رہا۔ مرکزی بینک کی خاتون عہدیدار یکٹا اشرفی کے مطابق سونے کے ذخائر میں اضافہ بین الاقوامی پابندیوں کے دباؤ کے باوجود ملکی معیشت کو سہارا دینے میں اہم کردار ادا کرے گا۔