ایران نے بڑے سونے کے ذخیرے کی دریافت کا اعلان کر دیا

ایران میں نئے سونے کے ذخائر کی دریافت

تہران (ڈیلی پاکستان آن لائن) ایران نے ملک کے اہم ترین سونے کے ذخائر میں سے ایک میں نیا اور بڑا ذخیرہ دریافت کرنے کا اعلان کیا ہے۔ یہ نئی دریافت مشرقی صوبے جنوبی خراسان میں واقع نجی ملکیتی ’’شادان گولڈ مائن‘‘ میں ہوئی ہے، جسے ایران کی اہم ترین سونے کی کانوں میں شمار کیا جاتا ہے۔

یہ بھی پڑھیں: سیلابی صورت حال کے باعث سیالکوٹ ایئر پورٹ پر فلائٹ آپریشن کل رات 10 بجے تک معطل کر دیا گیا

نئے ذخیرے کی توثیق

فارس نیوز ایجنسی کے مطابق اس نئے ذخیرے کی باقاعدہ توثیق وزارتِ صنعت، معدن و تجارت نے کر دی ہے۔ رپورٹ میں کہا گیا ہے کہ شادان گولڈ مائن کے ثابت شدہ ذخائر میں ایک بڑے نئے سونے کے وین (Vein) کی دریافت کے بعد نمایاں اضافہ ہوا ہے۔

یہ بھی پڑھیں: پکپتن سے آگے لائن: زرخیز اور مشہور علاقے، انگریزوں کا فیصل آباد میں بڑا اسٹیشن

نئے ذخیرے کی مقدار

بیان کے مطابق نئے ذخیرے میں 7.95 ملین ٹن آکسائیڈ گولڈ اور 53.1 ملین ٹن سلفائیڈ گولڈ موجود ہے۔ آکسائیڈ اور عام طور پر نکالنے میں سستا اور آسان ہوتا ہے۔

یہ بھی پڑھیں: وفاقی حکومت کی جانب سے کراچی کو بجلی کی فراہمی میں اضافے کا فیصلہ

سونے کی خریداری میں اضافہ

خبر ایجنسی اے ایف پی کے مطابق ایران نے سرکاری طور پر اپنے مجموعی قومی سونے کے ذخائر کی تفصیلات ظاہر نہیں کیں، تاہم حکام کا دعویٰ ہے کہ حالیہ برسوں میں سونے کی خرید میں نمایاں اضافہ ہوا ہے۔

یہ بھی پڑھیں: وزیر خارجہ اسحاق ڈار کی شنگھائی تعاون تنظیم ممالک کے وزرائے خارجہ کے ہمراہ چینی صدر سے ملاقات

مرکزی بینک کی رپورٹ

ستمبر میں ایران کے مرکزی بینک کے گورنر محمدرضا فرزین نے بتایا تھا کہ 2023-24 میں ایران دنیا کے پانچ بڑے سونا خریدنے والے مرکزی بینکوں میں شامل رہا۔ مرکزی بینک کی خاتون عہدیدار یکٹا اشرفی کے مطابق سونے کے ذخائر میں اضافہ بین الاقوامی پابندیوں کے دباؤ کے باوجود ملکی معیشت کو سہارا دینے میں اہم کردار ادا کرے گا۔