دنیا نے معرکۂ حق سے قبل فضائی طاقت کا اتنا جرأت مندانہ استعمال کبھی نہیں دیکھا: ائیر چیف مارشل

ائیر چیف مارشل کی کامیابیوں کا ذکر

رسالپور (ڈیلی پاکستان آن لائن) ائیر چیف مارشل ظہیر احمد بابر سدھو نے کہا ہے کہ "آپریشن بنیان مرصوص" میں ہم نے دشمن کو شکست دی، 10 مئی کو دشمن کے ڈیفنس سسٹم کو کامیابی سے نشانہ بنایا۔

یہ بھی پڑھیں: بھائی نے دوست سے شادی سے انکار پر سوتیلی بہن کو زہریلا کھانا کھلا کر مار ڈالا اور پھر خودکشی کرلی

پی اے ایف اکیڈمی میں خطبہ

نجی ٹی وی چینل "جیو نیوز" کے مطابق، پی اے ایف اکیڈمی رسالپور میں پاسنگ آؤٹ پریڈ سے خطاب کرتے ہوئے سربراہ پاک فضائیہ ائیر چیف مارشل ظہیر احمد بابر سدھو کا کہنا تھا کہ معرکۂ حق میں کامیابی پاکستان ائیر فورس کی بہترین کارکردگی کا مظہر ہے۔ جب 6 اور 7 مئی کی رات پاکستان کی خود مختاری کو چیلنج کیا گیا تو پاکستان ائیر فورس نے دشمن کو بھرپور جواب دیتے ہوئے رافیل سمیت اس کے جدید ترین لڑاکا طیارے گرائے۔

یہ بھی پڑھیں: تربیلا ڈیم کے سپل ویز کھولے جارہے ہیں، عوام دریائے سندھ کے قریب نہ جائیں، ایڈوائزری جاری

سائبر وار فیئر میں برتری

10 مئی کو ہم نے دشمن کے ڈیفنس سسٹم کو کامیابی سے نشانہ بنایا۔ آپریشن بنیان مرصوص میں پاکستان نے سائبر وار فیئر میں اپنی برتری ثابت کی۔

یہ بھی پڑھیں: چین نے آبادی بڑھانے کے لیے نیا منصوبہ متعارف کروادیا

پاکستان کی سالمیت کا دفاع

انہوں نے کہا کہ پاکستان کی سالمیت پر کبھی بھی آنچ نہیں آنے دیں گے۔ رافیل طیاروں کی صلاحیت پاک فضائیہ کے سامنے صفر ثابت ہوئی۔ دشمن کی ہر حرکت کو پاک فضائیہ نے لمحوں میں مانیٹر کیا، ہمارے ایکشن اور آپریشن لمحوں میں کارگر ثابت ہوتے ہیں۔ آج کی جدید دنیا میں پاک فضائیہ پیشہ ورانہ صلاحیتوں سے لیس ہے۔

یہ بھی پڑھیں: جعلی رسید کیس، عمران خان اور بشریٰ بی بی کی درخواست ضمانت پر فیصلہ ملتوی

محسوس کردہ نقصان اور امن کا حصول

ائیر چیف مارشل ظہیر احمد بابر سدھو کا کہنا تھا کہ ہم دشمن کو اس سے بھی زیادہ نقصان پہنچا سکتے تھے لیکن ہم ایک پروفیشنل فورس ہیں اور ہمارا ایکشن کیلکولیٹڈ اور مؤثر ہوتا ہے۔ معرکۂ حق میں پاکستان ائیر فورس کی کامیابی، برتری اور جدید وار فیئر تقاضوں کو بین الاقوامی سطح پر ناصرف تسلیم کیا گیا بلکہ اس پر سٹڈی بھی کی جا رہی ہے۔

یہ بھی پڑھیں: کوئٹہ سے تونسہ جانے والی بس کو مسافروں سمیت اغواء کیے جانے کی خبرں کی حقیقت سامنے آگئی

یتیم افواج پاکستان کا اعتماد

ان کا کہنا تھا کہ پاک فضائیہ کا ہر جوان اور ہر افسر ملک و قوم کے لیے ہمہ وقت تیار ہے۔ فیلڈ مارشل سید عاصم منیر نے معرکہ حق میں قائدانہ کردار ادا کیا۔ پاکستان ایک امن پسند ملک ہے اور امن کے لیے کردار ادا کر رہا ہے۔ اگر کسی نے ہماری امن کی خواہش کو چیلنج کیا تو اسے منہ کی کھانی پڑے گی۔

ذمہ دار ایٹمی قوت

ہم ایک ذمہ دار ایٹمی قوت ہیں، افواج پاکستان پر قوم کا بھر پور اعتماد ہمارے لیے باعث تقویت ہے۔