وفاقی وزیرداخلہ محسن نقوی کی میرانشاہ روڈ پر اسسٹنٹ کمشنر کے قافلے پر فتنہ الخوارج کے حملے کی پرزور مذمت
حملے کی مذمت
لاہور (ڈیلی پاکستان آن لائن) وفاقی وزیرداخلہ محسن نقوی نے میرانشاہ روڈ پر اسسٹنٹ کمشنر کے قافلے پر فتنہ الخوارج کے حملے کی پرزور مذمت کی ہے۔
یہ بھی پڑھیں: ستاروں کی روشنی میں آپ کا آج (جمعہ) کا دن کیسا رہے گا ؟
شہداء کو خراج عقیدت
وزیر داخلہ محسن نقوی نے جام شہادت نوش کرنے والے اسسٹنٹ کمشنر شاہ ولی اور 2 پولیس اہلکاروں کو خراج عقیدت پیش کیا اور شہداء کے لواحقین سے دلی ہمدردی و اظہار تعزیت کیا۔
یہ بھی پڑھیں: الیکشن کمیشن نے قومی اسمبلی میں جے یو آئی کی خواتین مخصوص نشست کے کیس کا فیصلہ سنا دیا
شہادت کا بلند رتبہ
وزیر داخلہ محسن نقوی نے کہا کہ اسسٹنٹ کمشنر شاہ ولی اور دونوں پولیس اہلکاروں نے فرض کی ادائیگی کے دوران شہادت کا بلند رتبہ پایا۔ شہید اسسٹنٹ کمشنر شاہ ولی اور دونوں پولیس اہلکاروں کی قربانی کو سلام۔
زخمیوں کی صحتیابی کی دعا
وزیر داخلہ نے زخمی ہونے والے 3 اہلکاروں کی جلد صحتیابی کیلئے دعا بھی کی۔
