پارلیمانی نظام کا ہونا بہت ضروری ہے، اختیارات بانٹنے سے ہی چیزیں بہتر ہوتی ہیں: ملک احمد خان

اہمیت بنیادی سہولتوں کی

لاہور (ڈیلی پاکستان آن لائن) سپیکر پنجاب اسمبلی ملک محمد احمد خان نے کہا ہے کہ بنیادی سہولتوں کا حصول سب کا حق ہے، ملک کے تمام حصوں میں مقیم لوگوں کی مساوی ترقی ضروری ہے۔

یہ بھی پڑھیں: مولانا فضل الرحمان ڈیڑھ سال کیلئے وزیراعظم بن سکتے ہیں‘ تہلکہ خیز دعویٰ

پارلیمانی نظام کی ضرورت

ملک احمد خان نے لاہور میں ایک تقریب سے خطاب کرتے ہوئے کہا کہ ملک میں پارلیمانی نظام کا ہونا بہت ضروری ہے، اختیارات بانٹنے سے ہی چیزیں بہتر ہوتی ہیں۔ عوام کی خدمت کرنا عوامی نمائندوں کی ذمہ داری ہے، وزیرِ اعلیٰ مریم نواز پنجاب کے لیے بہت اچھے کام کر رہی ہیں۔

یہ بھی پڑھیں: سندھ رینجرز اور پولیس کی مشترکہ کارروائی، مال بردار ٹرکوں کو لوٹنے اور ڈرائیورز کو اغوا کرنے والے 6 ملزم گرفتار

انسانی ترقی کے وسائل

انہوں نے مزید کہا کہ انسانی ترقی کے لیے تمام تر وسائل بروئے کار لانا ہوں گے، سندھ اور بلوچستان کے وزراء اعلیٰ بھی صوبوں میں ترقی کے لیے کوشاں ہیں۔ ملک میں پارلیمانی نظام کا ہونا بہت ضروری ہے، ایک ہی نظام ہے لوگوں کو مضبوط کرنے کے لیے، اور ہر مسئلے کا حل ہوتا ہے مگر بات کرنے سے ہی مسئلہ حل ہوتا ہے۔

یہ بھی پڑھیں: 200 کروڑ روپے کی منی لانڈرنگ کیس، بھارتی سپریم کورٹ نے جیکولین فرنینڈس کی مقدمہ ختم کرنے کی درخواست مسترد کر دی

A.I. کا مستقبل

’’جنگ‘‘ کے مطابق سپیکر پنجاب اسمبلی نے کہا کہ اے آئی اتنا تیزی سے آگے بڑھ رہا ہے، مجھے ڈر ہے کہ کہیں ہم اے آئی میں پیچھے نہ رہ جائیں۔ اس کے ساتھ ہی انہوں نے تجویز پیش کی کہ اے آئی کو گورنمنٹ سکولوں کے کورس میں شامل کیا جائے۔

قصور کی فضائی آلودگی

ملک احمد خان نے یہ بھی کہا کہ قصور کی فضا بہت آلودہ ہے، وہاں سانس لینا مشکل ہے۔ قصور میں چند کاروباری افراد چند پیسوں کے لیے لوگوں کو موت بانٹ رہے ہیں۔