26ویں اور 27 ویں ترمیم سے اختلاف، لاہور کے سول جج سید جہانزیب بخاری نے عہدے سے استعفیٰ دے دیا

سول جج سید جہانزیب بخاری کا استعفی

لاہور (ڈیلی پاکستان آن لائن) سول جج سید جہانزیب بخاری نے اپنے عہدے سے استعفی دے دیا۔ انہوں نے استعفی میں لکھا کہ 26 اور 27 ویں ترمیم کی وجہ سے عہدے سے استعفی دے رہے ہیں۔

یہ بھی پڑھیں: کیسز میں پرسنل نہ ہوا کریں، چھوڑ دیں قاضی صاحب کی جان، جسٹس مسرت ہلالی کا وکیل درخواستگزار سے مکالمہ، قاضی فائز عیسیٰ کیخلاف دائر نظرثانی درخواست خارج

استعفی کی وجوہات

ڈان نیوز کے مطابق، انہوں نے مزید لکھا کہ "میں وہ آخری شخص ہوں گا جو آمریت کو سپورٹ کروں گا"۔ ان کا کہنا ہے کہ اعلی عدلیہ ملک کے لیے کبھی باعث فخر نہیں بنی اور ریاست کی ذمہ داری ہے کہ وہ برابری کی بنیاد پر انصاف کرے۔

یہ بھی پڑھیں: گینگ ریپ کیس کی مدعیہ نے دلبرداشتہ ہو کر زہریلی گولیاں کھا لیں

لاہور ہائیکورٹ کا ردعمل

اسی دوران، سول جج سید جہانزیب بخاری کے استعفی پر لاہور ہائیکورٹ کا ردعمل بھی سامنے آیا۔ ترجمان لاہور ہائیکورٹ کا کہنا ہے کہ سید جہانزیب بخاری نے مسلسل غیر حاضری کی وجہ سے محکمانہ و انضباطی کارروائی کے بعد استعفی دیا۔ ان کی طویل غیر حاضری کی بنا پر انضباطی کارروائی شروع کی گئی، جس پر انتظامی کمیٹی نے فیصلہ کیا۔

سوشل میڈیا پر استعفی کی اطلاعات

جج نے مبینہ استعفی سوشل میڈیا پر جاری کیا، تاہم ہائیکورٹ میں ان کا استعفی تاحال موصول نہیں ہوا ہے۔