محبت اور احترام کے ساتھ عالمی روابط، عالمی بزنس، ثقافتی اور ہارس ہیلنگ سمرٹ دسمبر 2025 میں دمام میں منعقد ہوگا

سعودی عرب کا عالمی ایونٹ

جدہ (محمد اکرم اسد) سعودی عرب ایک منفرد تین روزہ عالمی ایونٹ کی میزبانی کرنے جا رہا ہے جو پیشہ ورانہ ترقی، ثقافتی ہم آہنگی اور خاندانی اقدار کو یکجا کرتا ہے۔ یہ ایونٹ "محبت اور احترام کے ساتھ عالمی روابط" کے عنوان سے 11 سے 13 دسمبر 2025 تک دمام میں منعقد ہوگا۔

یہ بھی پڑھیں: کراچی میں یکم جون سے اب تک 57 زلزلے کے جھٹکے ریکارڈ

ایونٹ کا مقصد

اس اہم اجتماع کا مقصد جنوب مشرقی ایشیا اور مشرقِ وسطیٰ کے درمیان تعلقات کو مضبوط بنانا ہے، جس میں دنیا بھر سے بزنس لیڈرز، سرمایہ کار، پیشہ ور افراد، سوشل میڈیا انفلوئنسرز اور ثقافتی نمائندگان شرکت کریں گے۔ یہ سمرٹ کاروباری قیادت، ثقافتی تبادلے، گھوڑوں کے ذریعے ہیلنگ (Horse-Assisted Healing)، اور خاندان پر مبنی سرگرمیوں پر توجہ مرکوز کرے گا۔

یہ بھی پڑھیں: عیدالاضحیٰ پر قیدیوں کی اسپیشل ملاقاتیں، احکامات جاری

منتظمین کی شناخت

منتظمین میں مرشدہ سعید اور ڈاکٹر نُسلیہ نُشرا اختر شامل ہیں، جو بزنس ڈویلپمنٹ اور علاقائی و عالمی مارکیٹوں میں اپنے نمایاں کردار کے باعث وسیع پیمانے پر پہچانی جاتی ہیں۔

یہ بھی پڑھیں: دبئی میں عوامی سہولت کے لئے MAK-NQ مینجمنٹ کنسلٹنسیز کے مین آفس کا افتتاح

ایونٹ کی سرگرمیاں

منتظمین کے مطابق، کاروباری شخصیات، خاندانوں اور مختلف پس منظر سے تعلق رکھنے والے افراد تین روزہ اس ایونٹ میں شریک ہوں گے، جس میں ثقافتی پروگرام، خصوصی تربیتی سیشنز، گھوڑوں کے ذریعے ہیلنگ سیشنز، اور وسیع پروفیشنل نیٹ ورکنگ کے مواقع شامل ہوں گے۔ اس ایونٹ کا مقصد محبت، احترام، مشترکہ انسانی اقدار، ہیلنگ، اور پیشہ ورانہ معیار کو فروغ دینے کے لیے ایک عالمی پلیٹ فارم فراہم کرنا ہے۔

یہ بھی پڑھیں: بہاولپور: سسرال والوں کا ناروا سلوک، خاتون 3 کمسن بچیوں کے ساتھ نہر میں کود گئی

پروگرام کی قیادت

ایونٹ کے دوسرے دن، معروف ہوسٹ ایڈووکیٹ عالیہ زارار خان پورے پروگرام کی قیادت کریں گی، جس میں موسیقی کی پیشکشیں، پرفارمنسز، ایوارڈز، اور معزز مہمانوں کی بصیرت افروز گفتگو شامل ہوں گی جنہیں سامعین کے تجربے کو مزید مالا مال کرنے کے لیے خصوصی طور پر ترتیب دیا گیا ہے۔

خطے کا نمایاں ایونٹ

کاروباری بصیرت، خاندانی شمولیت، ثقافتی رنگا رنگی، اور کمیونٹی کنکشن کے امتزاج کے ساتھ، "محبت اور احترام کے ساتھ عالمی روابط" خطے کے نمایاں بین الاقوامی، خاندانی اور بزنس سینٹرڈ ایونٹس میں سے ایک بننے جا رہا ہے۔