پاکستان پیپلز پارٹی نے پنجاب حکومت کے ساتھ تعاون کی پیشکش قبول کر لی

لاہور (ڈیلی پاکستان آن لائن) پاکستان پیپلز پارٹی نے پنجاب حکومت کے ساتھ تعاون کی پیشکش قبول کر لی ہے۔

پنجاب حکومت کی آفر اور پی پی پی کا جواب

پبلک نیوز کے مطابق پی پی قیادت نے پنجاب حکومت کی اسپیس دینے کی آفر منظور کر لی ہے اور اس فیصلے سے متعلق پنجاب حکومت کو آگاہ کر دیا گیا ہے۔ پیپلز پارٹی نے پنجاب حکومت کو بورڈز، کمیٹیوں اور لا افسران کی تعیناتی کے لیے اپنے نامزد افراد بھی بھجوا دیے ہیں۔

نمائندگی اور تعیناتیوں کی تفصیلات

ذرائع کا کہنا ہے کہ پیپلز پارٹی پنجاب حکومت کے ماتحت مختلف بورڈز اور کمیٹیوں میں نمائندگی حاصل کرے گی، اور پارٹی کے نامزد وکلا پنجاب میں لا افسران کے طور پر تعینات ہوں گے۔

تازہ پیشرفت

یاد رہے کہ سینئر وزیر پنجاب مریم اورنگزیب نے پیپلز پارٹی سے رابطہ کیا تھا، جس کے بعد یہ پیشرفت سامنے آئی ہے۔