چکوال ویلفیئر ایسوسی ایشن کی جانب سے عید الاتحاد کی مناسبت سے تقریب کا انعقاد، امجد محمود چوہدری کی خصوصی شرکت

دعائیہ تقریب کا آغاز

دبئی (طاہر منیر طاہر) گذشتہ شب انٹرنیشنل سٹی دوبئی میں چکوال کمیونٹی کی جانب سے متحدہ عرب امارات کے قومی دن اور 54 سالہ جشن کے سلسلہ میں ایک شاندار، پروقار دعائیہ تقریب منعقد ہوئی جس میں امارات میں موجود چکوال کمیونٹی کی مکمل نمائندگی موجود تھی۔

یہ بھی پڑھیں: چیئرمین پی سی بی محسن نقوی کا بے روزگار ہاکی کھلاڑیوں کو ملازمتیں دینے کا اعلان

مہمانان خاص

اس تقریب کے مہمانان خاص میں سید واجد علی بخاری سابق وفاقی وزیر برائے ماحولیات، حاجی امجد سابق ممبر صوبائی اسمبلی، ماجد بھٹی مینیجر پی آئی اے (یو اے ای)، راجہ عثمان ہارون سابق انچارج منسٹر سیکرٹیریٹ، سینئر نائب صدر اوورسیز فورم منڈی بہاالدین گلف ریجن چوہدری عبد الرزاق کنیال، معروف سماجی راہنما سردار عاشق نواز اور سید گلزار حسین گجرات شامل تھے۔

یہ بھی پڑھیں: سعودی عرب کے بعد کئی دیگر ممالک بھی پاکستان کے ساتھ اس طرح کے معاہدے کرنا چاہتے ہیں،اسحاق ڈار

نقابت اور محافل

چوہدری زعفران محمود نے تقریب کی نقابت کا اعزاز حاصل کیا اور اپنے پراثر کلمات سے اس خوشبودار بزم کو آگے بڑھایا۔ چوہدری ندیم حیدر نے اپنی مسحورکن آواز میں نعت رسول مقبول صلی اللہ علیہ وآلہ وسلم پیش کی۔

یہ بھی پڑھیں: بجلی کی قیمتوں میں کمی کیلئے اقدامات جاری ہیں: اویس لغاری

مقاصد اور گفتگو

چوہدری افراسیاب کہوٹ (صدر عوامی پریس کلب چکوال) نے اس تقریب کے اغراض و مقاصد پر تفصیلی گفتگو کی، جبکہ ماجد حسین بھٹی نے مہمانان گرامی کی نمائندگی کرتے ہوئے چکوال کمیونٹی کے جذبے کی سراہنا کی اور دیگر کمیونٹیز کو بھی ایسی تقاریب منعقد کرنے کی تجویز دی۔

یہ بھی پڑھیں: منشیات کے سمگلروں کے خلاف کریک ڈاؤن شروع، 40 کاروائیوں میں 30 گرفتار، ایک اشتہاری ہلاک

چکوال کمیونٹی کا عہد

چوہدری نثار احمد چکرال نے اس فورم کے گواہ بناتے ہوئے چکوال کمیونٹی کے عہد کا اعادہ کیا کہ وہ ہمیشہ متحدہ عرب امارات کے ساتھ اپنا احترام برقرار رکھیں گے۔

یہ بھی پڑھیں: سندھ میں سردیوں کی چھٹیوں کا اعلان کردیا گیا

حافظ اکرام کی بصیرت

چکوال کمیونٹی کے درخشاں ستارے حافظ اکرام نے یو اے ای کی دھرتی پر پاکستان کمیونٹی کے احسانات کا ذکر کیا اور اس بات کی اہمیت پر زور دیا کہ ہمیں اس دھرتی سے محبت اور اس کے قوانین کا احترام کرنا چاہیے۔

یہ بھی پڑھیں: اسرائیل کے ایران پر حملے کے بعد عالمی منڈی میں تیل کی قیمتیں آسمان چھونے لگیں

اختتامی تقریر

تقریب کے اختتام پر چوہدری محمد ثقلین مہرو نے معزز مہمانان اور تقریب کے منتظمین کا شکریہ ادا کیا، اور اس بات کی تصدیق کی کہ ہم اس دھرتی سے عشق رکھتے ہیں۔

یہ بھی پڑھیں: حمائمہ ملک نے ایک فلمی ڈائیلاگ پر اپنی غلطی تسلیم کرلی، مفتی طارق مسعود

جشن کا کیک اور ڈنر

اس موقع پر متحدہ عرب امارات کے 54 سالہ جشن کا کیک کاٹا گیا اور قومی ترانے کے احترام میں چکوال کمیونٹی نے امارات کے قومی پرچم لہرا کر اپنی محبت کا اظہار کیا۔ تقریب کے آخر میں چکوال ویلفیئر ایسوی ایشن یو اے ای کی جانب سے پرتکلف ڈنر کا اہتمام کیا گیا۔

آئندہ کے عزم

سب نے مل کر عہد کیا کہ ہم ہر سال یوم الوطنی، عید الاتحاد کو اسی جوش و جذبے کے ساتھ مناتے رہیں گے۔