لاہور، ریلوے میں بجلی بلوں کی مد میں کروڑوں روپے کی بوگس ادائیگیوں کا انکشاف

بوگس ادائیگیوں کا انکشاف

لاہور (ڈیلی پاکستان آن لائن) ریلوے کی ویجلنس نے انکوائری رپورٹ میں بجلی کے بلوں کی مد میں کروڑوں روپے کی بوگس ادائیگیوں کا انکشاف کیا ہے۔

یہ بھی پڑھیں: تشدد کو رومانٹک بنا کر پیش کرنے پر اداکارہ مشی خان برہم ہو گئی

انکوائری رپورٹ کی تفصیلات

ایکسپریس نیوز نے ریلوے ویجلنس کی بوگس بلنگ سے متعلق انکوائری رپورٹ حاصل کر لی ہے، جسے ڈی جی ویجلنس نے مکمل کرکے چیف ایگزیکٹو ریلوے کو ارسال کیا ہے۔ انکوائری رپورٹ میں 11 کروڑ سے زائد کی بوگس ادائیگیوں کی نشان دہی کی گئی ہے۔

یہ بھی پڑھیں: اسرائیل نے ایران کے ساتھ ٹرمپ کی جنگ بندی کی تجویز پر اتفاق کرلیا ہے، نتین یاہو

لیسکو کی ذمہ داریاں

ریلوے کی تین رہائشی کالونیوں کا بجلی اور بلنگ کا مکمل انتظام 2023 میں لیسکو کے سپرد کیا گیا تھا۔ رپورٹ میں بتایا گیا ہے کہ لیسکو نے رہائشی کالونیوں میں بجلی کے میٹرز لگائے اور بلنگ بھی شروع کی، مگر الگ الگ بلنگ کے باوجود لیسکو نے اجتماعی طور پر ریلوے کو بھی بل بھجوائے، جس کے نتیجے میں 11 کروڑ سے زائد کی بوگس بلنگ ہوئی۔

یہ بھی پڑھیں: اصل تنازع اپنی جگہ موجود ہے،پاکستان اور بھارت کے درمیان ایٹمی جنگ محض بیوقوفی ہوگی: ڈی جی آئی ایس پی آر کا برطانوی نشریاتی ادارے کو انٹرویو

مالی نقصان اور افسران کی غفلت

ویجلنس کی انکوائری رپورٹ کے مطابق ریلوے ورکشاپس ڈویژن کے شعبہ الیکٹرک نے یہ تمام ادائیگیاں بغیر کسی تحقیقات کے لیسکو کو کر دیں۔ ڈویژنل الیکٹریکل انجینئر ورکس اور دیگر الیکٹرک افسران کی غفلت اور لاپرواہی کی وجہ سے ریلوے کو مالی نقصان کا سامنا کرنا پڑا۔

یہ بھی پڑھیں: پاکستانی طبی ماہرین چین کے ساتھ صحت کے شعبے میں روابط مضبوط بنا رہے ہیں۔

محکمانہ کارروائی کی سفارشات

انکوائری رپورٹ میں غفلت برتنے والے افسران کے خلاف محکمانہ کارروائی کی سفارش کی گئی ہے۔ یہ افسران 7 سال سے ایک ہی سیٹ پر براجمان ہیں، جس کی وجہ سے اقدامات اٹھانے کی ضرورت پیش آئی ہے۔

روٹیشن پالیسی پر عمل درآمد

ریلوے ویجلنس نے کہا ہے کہ ریلوے میں روٹیشن پالیسی پر سختی سے عمل درآمد کروایا جائے۔