عاصم منیر چیف آف ڈیفنس فورسز تعینات، ایئرچیف مارشل کی توسیع کے نوٹیفکیشن جاری

تعیناتی کا اعلان

اسلام آباد(ڈیلی پاکستان آن لائن) فیلڈ مارشل سید عاصم منیر کو چیف آف ڈیفنس فورز کے طور پر تعینات کر دیا گیا ہے، جبکہ ایئر چیف مارشل ظہیر احمد سدھو کی مدت ملازمت میں بھی توسیع کر دی گئی ہے۔

یہ بھی پڑھیں: سپریم کورٹ میں مستقل جج کی تعیناتی؛ جوڈیشل کمیشن آف پاکستان کا اجلاس آج ہوگا

وزارت دفاع کا نوٹیفکیشن

نجی ٹی وی چینل دنیا نیوز کے مطابق، وزارت دفاع نے چیف آف ڈیفنس فورسز کی تعیناتی کا نوٹیفکیشن صدر مملکت کی منظوری کے بعد جاری کیا۔ صدر مملکت نے آئین کے آرٹیکل 243 اور آرمی ایکٹ کی شق 8 اے کے تحت اس کی منظوری دی۔

یہ بھی پڑھیں: بنگلادیش کرکٹ بورڈ کے ڈائریکٹر کے بیان کے بعد بنگلادیشی کرکٹرز کی بائیکاٹ کی دھمکی

وزیراعظم کی سمری

واضح رہے کہ صدر مملکت نے آرمی چیف کی بطور چیف آف ڈیفنس فورز کی تعیناتی سے متعلق وزیراعظم کی سمری کی منظوری دی تھی۔ صدر نے ایئر چیف مارشل ظہیر احمد سدھو کی مدت میں بھی 2 سال کی توسیع کی منظوری دی۔

یہ بھی پڑھیں: آسٹریلیا ایران کی قومی خواتین فٹبال ٹیم کو واپس ایران بھیج کر ایک سنگین انسانی غلطی کر رہا ہے، امریکی صدر ڈونلڈ ٹرمپ

تعیناتی کی مدت

وزارت دفاع کے نوٹیفکیشن میں کہا گیا ہے کہ فیلڈ مارشل سید عاصم منیر کو آئندہ پانچ سال کے لیے چیف آف ڈیفنس تعینات کیا گیا ہے۔ سید عاصم منیر چیف آف آرمی سٹاف بھی پانچ سال رہیں گے۔

یہ بھی پڑھیں: سیّدہ زینب رضی اللہ عنہا، ہر بیٹی کی میراث

ایئر چیف مارشل کی توسیع

نوٹیفکیشن کے مطابق، فضائیہ کے سربراہ ایئر چیف مارشل ظہیر احمد بابر سدھو کی مدت ملازمت میں توسیع 19 مارچ 2026 سے شروع ہو گی۔

یہ بھی پڑھیں: مریم نواز کا پنجاب میں انفراسٹرکچر اور ڈیزائن سٹینڈرائزیشن کا فیصلہ

صدر مملکت کی نیک خواہشات

قبل ازیں، صدر مملکت نے سمری منظور کرتے ہوئے چیف آف ڈیفنس فورسز اور ایئر چیف مارشل کے لیے نیک خواہشات کا اظہار کیا۔

فیلڈ مارشل عاصم منیر کی گفتگو

ایوان صدر میں صحافیوں سے غیر رسمی گفتگو کرتے ہوئے فیلڈ مارشل عاصم منیر نے کہا تھا کہ "سب ٹھیک ہے، سب آپ کے سامنے ہیں، چیزیں بہتری کی طرف جارہی ہیں، پاکستان یہاں سے اب اونچی اڑان کی طرف جائے گا۔"