پشاور: عدالت کا ڈی جی ایکسائز سمیت 8 اہلکاروں کی تنخواہ بند کرنے کا حکم
پشاور میں انسداد دہشت گردی کی خصوصی عدالت کا اقدام
پشاور(ڈیلی پاکستان آن لائن) میں انسداد دہشت گردی کی خصوصی عدالت نے عدالتی احکامات کی عدم تعمیل پر ڈی جی ایکسائز سمیت آٹھ اہلکاروں کی تنخواہوں کی بندش کے لیے اکاؤنٹنٹ جنرل آفس کو مراسلہ بھیج دیا ہے۔
یہ بھی پڑھیں: سہیل آفریدی کی زیرصدارت پختونخوا کابینہ کا پہلا اجلاس 14 نومبر کو طلب
مقدمے کی تفصیلات
مراسلے میں ذکر کیا گیا ہے کہ سات دسمبر 2024 سے ایک منشیات کا مقدمہ عدالت میں زیر سماعت ہے، جس میں تھانہ ایکسائز کے سات اہلکار بطور استغاثہ گواہان نامزد کیے گئے ہیں۔
یہ بھی پڑھیں: ڈی پورٹ ہونے والے 53 ہزار پاکستانیوں کے پاسپورٹ بلاک
گواہان کی غیر موجودگی
مراسلے کے مطابق، گواہان کو پیش ہونے کے لیے متعدد بار نوٹسز جاری کیے گئے، اور ڈی جی ایکسائز کو بھی نوٹس ارسال کیا گیا، لیکن کوئی عمل درآمد نہیں ہوا۔
عدالت کا مطالبہ
مراسلے میں یہ بھی کہا گیا ہے کہ گواہان کی غیر موجودگی کی وجہ سے مقدمے کی سماعت مزید طویل ہورہی ہے، لہٰذا اکاؤنٹنٹ جنرل آفس سے درخواست کی گئی ہے کہ وہ ڈی جی ایکسائز سمیت دیگر اہلکاروں کی تنخواہ بند کریں۔
