پشاور: عدالت کا ڈی جی ایکسائز سمیت 8 اہلکاروں کی تنخواہ بند کرنے کا حکم
پشاور میں انسداد دہشت گردی کی خصوصی عدالت کا اقدام
پشاور(ڈیلی پاکستان آن لائن) میں انسداد دہشت گردی کی خصوصی عدالت نے عدالتی احکامات کی عدم تعمیل پر ڈی جی ایکسائز سمیت آٹھ اہلکاروں کی تنخواہوں کی بندش کے لیے اکاؤنٹنٹ جنرل آفس کو مراسلہ بھیج دیا ہے۔
یہ بھی پڑھیں: پاکستان کو پانی کے شدید بحران کا سامنا ہے، ذخائر میں تیزی سے کمی جاری ہے، ایشیائی ترقیاتی بینک
مقدمے کی تفصیلات
مراسلے میں ذکر کیا گیا ہے کہ سات دسمبر 2024 سے ایک منشیات کا مقدمہ عدالت میں زیر سماعت ہے، جس میں تھانہ ایکسائز کے سات اہلکار بطور استغاثہ گواہان نامزد کیے گئے ہیں۔
یہ بھی پڑھیں: آئی ایف سی کا ریکوڈک منصوبے میں مزید 400 ملین ڈالر کی سرمایہ کاری کا اعلان
گواہان کی غیر موجودگی
مراسلے کے مطابق، گواہان کو پیش ہونے کے لیے متعدد بار نوٹسز جاری کیے گئے، اور ڈی جی ایکسائز کو بھی نوٹس ارسال کیا گیا، لیکن کوئی عمل درآمد نہیں ہوا۔
عدالت کا مطالبہ
مراسلے میں یہ بھی کہا گیا ہے کہ گواہان کی غیر موجودگی کی وجہ سے مقدمے کی سماعت مزید طویل ہورہی ہے، لہٰذا اکاؤنٹنٹ جنرل آفس سے درخواست کی گئی ہے کہ وہ ڈی جی ایکسائز سمیت دیگر اہلکاروں کی تنخواہ بند کریں۔
