نہ بیٹیاں ، نہ بیٹے: لیجنڈری اداکار دھرمیندر اپنی کروڑوں کی زمین کس کے نام کرگئے ؟
دھرمیندر کی جڑیں
ممبئی (ویب ڈیسک) بالی وڈ کے لیجنڈ اداکار ہونے کے باوجود دھرمیندر کی جڑیں ان کی آبائی زمینوں سے کبھی دور نہ ہوسکیں، ان کا دل کروڑوں کی جائیداد کے باوجود گاؤں کی کھیتی باڑی اور دیہی علاقوں میں سکون محسوس کرتا تھا۔
یہ بھی پڑھیں: حکومت سندھ کا سرکاری گاڑیوں کے ای چالان سے متعلق بڑا فیصلہ، ادائیگی متعلقہ افسر کو جیب سے کرنا ہوگی
خاندانی تعلقات
بھارتی میڈیا کے مطابق آنجہانی اداکار دھرمیندر کو پہلے اپنے والد کی ملازمت میں تبادلے اور پھر اپنے فلمی کیرئیر کی وجہ سے گاؤں چھوڑنا پڑا تھا لیکن ان کے خاندان کے دیگرافراد اسی گاؤں میں رہائش پذیر تھے۔
یہ بھی پڑھیں: اگست 2025 میں گاڑیوں کی فروخت میں سالانہ بنیاد پر 62 اور ماہانہ بنیاد پر 28 فیصد اضافہ
گاؤں کا دورہ
دھرمیندر کو اپنے مصروف کیرئیر کے دوران بھی جب بھی بریک ملتا، وہ ساری عیش و عشرت چھوڑ کر لدھیانہ سے تقریباً 25 کلومیٹر دور ڈانگون میں موجود اپنے آبائی گھر کا رخ کرتے۔
یہ بھی پڑھیں: حکمران ناکامیوں کو تسلیم کریں، نظام میں بہتری لائیں، حافظ نعیم الرحمان کا کوئٹہ کی مقامی یونیورسٹی میں خطاب
زمین کی منتقلی
بھارتی میڈیا کے مطابق تقریباً ایک دہائی قبل دھرمیندر اپنی آبائی زمین اپنے چچا زاد بھائی کے نام کرچکے تھے کیوں کہ اسی کزن نے دھرمیندر کی غیر موجودگی میں اس زمین کو سنبھالا تھا، بھارتی میڈیا پر اس زمین کی قیمت 5 کروڑ بھارتی روہے بتائی گئی ہے۔
یہ بھی پڑھیں: بھارتی کرکٹ بورڈ کا بینک بیلنس کتنا ہے؟ جان کر آپ بھی چکرا جائیں گے
بھتیجے کا ذکر
حال ہی میں دھرمیندر کے بھتیجے بوٹا سنگھ دیول نے میڈیا کو بتایا کہ ’چچا دھرمیندر نے 2016 میں گاؤں کے دورے کے دوران 19 کنال اور 3 مرلہ زمین میرے والد منجیت سنگھ اور میرے چچا شنگارا سنگھ کے نام کردی تھی، اپنے اردگرد شہرت اور بے پناہ محبت کے باوجود دھرمیندر ہمیشہ پنجاب (بھارت) میں اپنے خاندان اور بچپن کے دوستوں سے رابطے میں رہے۔ دھرمیندر آخری بار2019 میں گاؤں آئے تھے اس وقت سنی دیول گورداسپور سے الیکشن لڑرہے تھے‘۔
یہ بھی پڑھیں: عظمٰی بخاری ہمارے لیے وزیر نہیں بہن کی طرح ہیں:صدر لاہور پریس کلب ارشد انصاری
پنجاب کی واپسی
بھارتی میڈیا کے مطابق دھرمیندر اپنی زندگی میں کبھی پھر پنجاب تو منتقل نہ ہوسکے لیکن انہوں نے ممبئی کے قریب کھنڈالہ میں ایک وسیع و عریض فارم بنوایا تھا۔
فارم میں زندگی
انہوں نے اپنی زندگی کے کئی برس اسی زمین میں گزارے، کورونا لاک ڈاؤن کے دوران دھرمیندر نے اپنے فارم سے ہی متعدد ویڈیوز مداحوں سے شیئر کی تھیں۔
